ކޫއްޑޫގައި ތަރައްޤީކުރަމުންދާ ރިސޯޓް
ކޫއްޑޫގައި ތަރައްޤީކޮށްފައިވާ ރިސޯޓު އަންނަމަހު ހުޅުވާނެކަމަށް އެރިސޯޓު ތަރައްޤީކުރާ ފަރާތުން ބުނެފިއެވެ. މިއީ ރާއްޖޭގެ ސަރަހައްދީ އެއަރޕޯޓް ހިންގާ ރަށެއްގައި ހުޅުވާ ފުރަތަމަ ރިސޯޓެވެ.
ގއ. އަތޮޅުގެ އެއަރޕޯޓު އޮންނަ ކޫއްޑޫގައި ތަރައްޤީކޮށްފައިވާ 68 ކޮޓަރީގެ ރިސޯޓު ހިންގަނީ ފްރޭންސްގެ އެކޯރ ހޮޓެލްސްގެ ފަރާތުންނެވެ. މި ރިސޯޓުގައި ހުންނަ ފަސްދޮޅަސް އަށް ކޮޓަރީގެ ތެރެއިން ސާޅީސް ތިން ކޮޓަރިއަކީ މޫދު ކޮޓަރި، އަދި ފަންސަވީސް ކޮޓަރިއަކީ ބީޗު ކޮޓަރިއެވެ.
މިއީ އެކޯރ ހޮޓެލްސްގެ މަރކްއަރ ބްރޭންޑުން ގއ. އަތޮޅުގައި ހުޅުވާ ފަސްވަނަ ރިސޯޓެވެ.
މަރކްއަރ މޯލްޑިވްސް ކޫއްޑޫ ރިސޯޓުގެ ނަމުގައި ހުޅުވާ މި ރިސޯޓުގައި ޑައިވް ސެންޓަރަކާއި ވޯޓަރސްޕޯޓްސްގެ ޚިދުމަތާއި ސަޕާރ އަދި ޖިމެއްވެސް ހިމެނޭނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ