މިދުވަސްވަރު ރާއްޖެއަށް ޒިޔާރަތްކުރާ ފަތުރުވެރިންގެ ނިސްބަތް އިތުރުވަމުން އަންނަކަމަށް ޓޫރިޒަމް ސިނާޢަތުގެ ވިޔަފާރިވެރިން ބުނެފިއެވެ.
ޕީއެސްއެމް ނިއުސްއާ މަޢުލޫމާތު ޙިއްޞާކުރި ބައެއް ކުންފުނިތަކުން ބުނީ، މިދިޔަ އަހަރުގެ މިދުވަސްވަރާ އަޅާބަލާއިރު، މިއަހަރުގެ މިހާތަނަށް ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުކަމަށެވެ. ރާއްޖޭގެ އެންމެބޮޑު އެއް ޓްރެވަލް ކުންފުނި، އިނަ މޯލްޑިވްސްގެ މެނޭޖިންގ ޑިރެކްޓަރ މުޙައްމަދު ފިރާޤް، ޕީއެސްއެމް ނިއުސްއަށް މަޢުލޫމާތު ދެއްވަމުން ވިދާޅުވީ، އީސްޓަން ޔޫރަޕާއި، މެދުއިރުމަތި، އަދި ބައެއް އައު މާރކެޓްތަކުން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވަމުން އަންނަކަން ފާހަގަކުރެވޭކަމަށެވެ.
ޖޫންމަހުގެ ނިޔަލަށް ރާއްޖެ އައުމަށް ބުކިން ހެއްދި ފަތުރުވެރިންގެ އަދަދު މިއަހަރު އިތުރުކަމަށް ފިރާޤް ވަނީ ފާހަގަކުރައްވާފައެވެ. އިނަ މޯލްޑިވްސުން ދަނީ އީރާންގެ ފަތުރުވެރިން ރާއްޖެ ގެނައުމަށް މަސައްކަތްކުރަމުންނެވެ. މިގޮތުން ރާއްޖޭގެ ފަތުރުވެރިކަން އިޝްތިހާރުކުރުމަށް ވަރަށް އަވަހަށް އީރާނުގައި ރޯޑް ޝޯއެއް ބޭއްވުމަށް ނިންމާފައިވާކަމަށް އެކުންފުނިން ބުނެއެވެ.
img:http://s2.psmnews.mv/images/660x400/14615053179273.jpg|ރާއްޖޭގައި ހިންގާ ހުވަފެންފުށި ރިސޯޓް - ފައިލް ފޮޓޯ: މައިނަރ ހޮޓެލް ގްރޫޕް
އީރާނުގެ މާރކެޓަކީ ރާއްޖޭގެ ފަތުރުވެރިކަމުގެ ސިނާޢަތަށް އަދި އައު މާރކެޓެކެވެ.
އެމެރިކާ އަދި ތުރުކީގެ ސިޔާސީ މަސްރަޙް ހަލަބޮލިވުމުގެ ސަބަބުން، މިދުވަސްވަރު ރަޝިޔާއާ އެނޫންވެސް ބައެއް މާކެޓްތަކުން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވަމުން އަންނަކަމަށް ޓްރެވަލް އޭޖެންޓުން ފާހަގަކުރެއެވެ. އަދި މެދުއިރުމަތި، އަދި ބައެއް އައު މާރކެޓްތަކުން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވަމުން އަންނަކަން ފާހަގަކުރެވެއެވެ. ޖޫންމަހުގެ ނިޔަލަށް ރާއްޖެ އައުމަށް ބުކިން ހެއްދި ފަތުރުވެރިންގެ އަދަދު މިއަހަރު އިތުރުކަމަށް ފިރާޤް ވަނީ ފާހަގަކުރައްވާފައެވެ.
އިނަ މޯލްޑިވްސުން އަންނަނީ އީރާންގެ ފަތުރުވެރިން ރާއްޖެ ގެނައުމަށް މަސައްކަތްކުރަމުންނެވެ. މިގޮތުން ރާއްޖޭގެ ފަތުރުވެރިކަން އިޝްތިހާރުކުރުމަށް ވަރަށް އަވަހަށް އީރާނުގައި ރޯޑްޝޯއެއް ބޭއްވުމަށް ނިންމާފައިވާކަމަށް އެކުންފުނިން ބުނެއެވެ.