މިއަންނަމަހުގެ އަށަކުން ބާރައަށް ޖަރުމަންވިލާތުގެ ބާލިންގައި ބާއްވާ، އައި.ޓީ.ބީ ފެއަރގައި ރާއްޖެ ތަމްސީލް ކުރާ ފަރާތްތަކާއި އެމް.އެމް.ޕީ.އާރް.ސީން ބައްދަލުކޮށްފިއެވެ.
އެމް.އެމް.ޕީ.އާރް.ސީން ބުނީ، މިއަހަރުގެ ފެއާރގައި ރާއްޖޭގެ 88 ކުންފުންޏަކުން 260 މަންދޫބުން ރާއްޖެ ތަމްސީލް ކުރާނެކަމަށެވެ. ރާއްޖޭގެ ވަފްދުގައި އިސްކޮށް ބައިވެރިވެވަޑައިގަންނަވަނީ ޓުއަރިޒަމް މިނިސްޓަރ މޫސާ ޒަމީރާއި، އެމް.އެމް.ޕީ.އާރް.ސީގެ އެކްޓިންގް މެނޭޖިންގް ޑިރެކްޓަރ ހާރިސް މުޙައްމަދެވެ.
މިއަދުގެ ބައްދަލުވުމުގައި ވަނީ އައި.ޓީ.ބީ ފެއަރގައި ބައިވެރިވާ މަންދޫބުންނަށް ފެއާރއާބެހޭ މައުލޫމާތު ދެއްވާފައެވެ. އަދި ފެއާރއާއި ބެހޭ މަޢުލޫމާތޫ ހޯދަން ބޭނުންވާ ޕާޓްނަރުންނަށް މަޢުލޫމާތުދިނުންވެސް މިބައްދަލުވުމުގައި ކުރިޔަށްދިޔައެވެ.
އެމް.އެމް.ޕީ.އާރް.ސީގެ އެކްޓިންގް މެނޭޖިންގް ޑިރެކްޓަރ ހާރިސް މުޙައްމަދު ވިދާޅުވީ، މިފަހަރުގެ ފެއަރއަކީ ރާއްޖެއިން އެންމެ ބޮޑު ކޮންޓިންޖެންޓެއް ބައިވެރިވާ ފެއަރކަމުން، މިފަހަރުގެ ފެއާރއާމެދު ވަރަށް ބޮޑު އުންމީދެއް ކުރެވޭކަމަށެވެ.
" މިފަހަރުގެ ފެއަރއަކީ، ދިވެހި ރާއްޖޭގެ އެންމެ ބޮޑު ކޮންޓިންޖެންޓް ބައިވެރިވާނެ އިވެންޓް. އެހެންވީމާ އަޅުގަނޑުމެން އުންމީދު ކުރަނީ މިއީ ވަރަށް ގްރޭންޑް އިވެންޓަށް ވެގެެންދާނެކަމަށް. މިފެއަރގައ ބަވެރިވާ ޕާޓްނަރުންނަށް މިއީ،ވަރަށް މުހިންމުން، އަދި ފުރުޞަތުތަކެއް ފަހިވެގެންދާނެ ފެއަރއެއް މީ. " އެމް.އެމް.ޕީ.އާރް.ސީގެ އެކްޓިންގް މެނޭޖިންގް ޑިރެކްޓަރ ހާރިސް މުޙައްމަދު ވިދާޅުވިއެވެ.