ރާއްޖެއަށް ޒިޔާރަތްކުރާ ފަތުރުވެރިންގެ ނިސްބަތް މިދުވަސްވަރު އިތުރުވަމުން އަންނަކަމަށް ޓޫރިޒަމް ސިނާޢަތުގެ ވިޔަފާރުވެރިން ބުނެފިއެވެ.
ޕީއެސްއެމް ނިއުސްއަށް މަޢުލޫމާތު ޙިއްޞާކުރި ބައެއް ކުންފުނިތަކުން ބުނީ، މިދިޔަ އަހަރުގެ މިދުވަސްވަރާ އަޅާބަލާއިރު، މިއަހަރުގެ މިހާތަނަށް ރާއްޖެއަށް ޒިޔާރަތްކުރާ ފަތުރުވެރިންގެ ޢަދަދު އިތުރު ކަމަށެވެ. ރާއްޖޭގެ އެންމެބޮޑު އެއް ޓްރެވަލް ކުންފުނި، އިނަރ މޯލްޑިވްސްގެ މެނޭޖިންގ ޑިރެކްޓަރ މުޙައްމަދު ފިރާޤް، ޕީއެސްއެމް ނިއުސްއަށް މަޢުލޫމާތު ދެއްވަމުން ވިދާޅުވީ، އީސްޓަން ޔޫރަޕާއި، މެދުއިރުމަތި، އަދި ބައެއް އައު މާރކެޓްތަކުން ރާއްޖެއަށް ޒިޔާރަތްކުރާ ފަތުރުވެރިންގެ ޢަދަދު އިތުރުވަމުން އަންނަކަން ފާހަގަކުރެވޭ ކަމަށެވެ. ޖޫންމަހުގެ ނިޔަލަށް ރާއްޖެ އައުމަށް ބުކިން ހެއްދި ފަތުރުވެރިންގެ ޢަދަދު މިއަހަރު އިތުރުކަމަށް ފިރާޤް ވަނީ ފާހަގަކުރައްވާފައެވެ.
އިނަރ މޯލްޑިވްސުން ދަނީ އީރާނުގެ ފަތުރުވެރިން ރާއްޖެ ގެނައުމަށް މަސައްކަތް ކުރަމުންނެވެ. މިގޮތުން ރާއްޖޭގެ ފަތުރުވެރިކަން އިސްތިހާރު ކުރުމަށް ވަރަށް އަވަހަށް އީރާނުގައި ރޯޑްޝޯއެއް ބޭއްވުމަށް ނިންމާފައިވާ ކަމަށް އެކުންފުނިން ބުނެއެވެ. އީރާނުގެ މާރކެޓަކީ ރާއްޖޭގެ ފަތުރުވެރިކަމުގެ ސިނާޢަތަށް އަދި އައު މާރކެޓެކެވެ.
އެމެރިކާއާއި ތުރުކީގެ ސިޔާސީ މަސްރަޙު ހަލަބޮލިވުމުގެ ސަބަބުން، މިދުވަސްވަރު ރަޝިއާއި އެނޫންވެސް ބައެއް މާރކެޓްތަކުން ރާއްޖެއަށް ޒިޔާރަތްކުރާ ފަތުރުވެރިންގެ ޢަދަދު އިތުރުވަމުން އަންނަކަމަށް ޓްރެވަލް އޭޖެންޓުން ފާހަގަކުރެއެވެ. އަދި މެދުއިރުމައްޗާއި ބައެއް އައު މާރކެޓްތަކުން ރާއްޖެއަށް ޒިޔާރަތްކުރާ ފަތުރުވެރިންގެ ޢަދަދު އިތުރުވަމުން އަންނަކަން ފާހަގަކުރެވެއެވެ. ޖޫންމަހުގެ ނިޔަލަށް ރާއްޖެ އައުމަށް ބުކިން ހެއްދި ފަތުރުވެރިންގެ ޢަދަދު މިއަހަރު އިތުރުކަމަށް ފިރާޤް ވަނީ ފާހަގަކުރައްވާފައެވެ.