ރާއްޖޭގެ އެންމެ ބޮޑު ވޯޓަރވިލާ، ސެއިންޓް ރެޖިސް ވޮށްމުލި ރިސޯޓުގައި ހުޅުވައިފިއެވެ.
ތިން ކޮޓަރީގެ މި ވޯޓަރވިލާގައި ޖިމަކާއި ތިއޭޓަރ ރޫމަކާއި އޮފީސް މަސައްކަތަށް ބޭނުންކުރެވޭނެ ކޮޓަރިއެއްގެ އިތުރުން ބަދިގެއަކާއި ބަޓްލަރަށް ޙާއްސަ ކޮޓަރިއެއް ހުރެއެވެ. މިވޯޓަރވިލާގައި ހިމެނޭ ކޮންމެ ކޮޓަރިއެއްގައި މަސާޖު ކުރުމަށް ހާއްސަ ތަނަކާއި އަދި ޖަކޫޒީއެއް ހުރެއެވެ. 1540 އަކަ ފޫޓުގެ މި ވޯޓާ ވިލާގައި 92 އަކަ ފޫޓުގެ ޕޫލެއް އޮވެއެވެ.
img:http://s4.psmnews.mv/images/660x400/14888934496105.jpg|ވޮށްމުލީގައި ތަރައްޤީކޮށްފައިވާ ރާއްޖޭގެ އެންމެ ބޮޑު ވޯޓަރ ވިލާ / ފޮޓޯ: ވޮށްމުލި ރިސޯޓް
ދ. އަތޮޅު ވޮށްމުލީގައި ތަރައްޤީކޮށްފައިވާ ސެއިންޓް ރެޖިސް މޯލްޑިވްސް ވޮށްމުލި ރިސޯޓަކީ ދުނިޔޭގެ އެންމެ މަތީ ފަންތީގެ ހޮޓާތައް ހިންގާ ސެއިންޓް ރެޖިސް ބްރޭންޑުގެ ރިސޯޓެކެވެ. ދާދި ފަހުން ހުޅުވި މި ރިސޯޓް ގައި އެންމެ މަތީ ފަންތީގެ 77 ވިލާ އާއި އިންފިނިޓީ ޕޫލަކާއި 6 ކޮޓަރީގެ ސްޕާ އަކާއި ޔޯގާ އަދި ފިޓްނެސް ސެންޓަރަކާއި ޑައިވް ސެންޓަރެއްގެ އިތުރުން ހަތަރު ރެސްޓޯރަންޓް ހުރެއެވެ.