ރާއްޖޭގައި ގެސްޓްހައުސް ހިންގުމަށް މިއަހަރުގެ މިހާތަނަށް އަލަށް 66 ތަނެއް ރަޖިސްޓްރީކޮށްފައިވާ ކަމަށް ޓޫރިޒަމް މިނިސްޓްރީން ހާމަކޮށްފިއެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން، ގެސްޓްހައުސް ހިންގުމަށް 421 ތަނެއް ރަޖިސްޓްރީކޮށްފައިވާއިރު، މިދިޔަ އަހަރުގެ ޑިސެމްބަރުމަހާ ހަމައަށް ރާއްޖޭގައި ހިންގުމަށް ރެޖިސްޓްރީކޮށްފައިވަނީ 355 ގެސްޓްހައުސްއެވެ. އަދި ޚިދުމަތްދެމުންދާ ގެސްޓްހައުސްތަކުގެ އަދަދު ވަނީ 412 އަށް އަރާފައެވެ. ތަފާސް ހިސާބުތައް ދައްކާގޮތުން މިދިޔަ އަހަރު ނިމުނު އިރު ރާއްޖޭގައި ޚިދުމަތްދެމުން ދިޔައީ 73 ގެސްޓްހައުސްއިންނެވެ.
ރާއްޖޭގައި ގެސްޓް ހައުސް ވިޔަފާރި ދުވަހެއްދުވަހަކަށް ތަރައްގީވެ، ގިނަ ބަޔަކު ދަނީ އެ މަސައްކަތްކޮށްގެން ރަގަޅު ނަފާއެއް ހޯދަމުންނެވެ. ގެސްޓްހައުސްގެ ވިޔަފާރީގެ ސަބަބުން އަމިއްލަ ރަށުގައި ތިބެގެން ވަޒީފާ އަދާކުރުމުގެ ފުރުސަތުތައް އިތުރުވެ، ރަށްރަށުގެ އާއްމު ދިރިއުޅުމުގެ ފެންވަރުވެސް ރަގަޅުވަމުންދާކަން ފާހަގަކޮށްލެވެއެވެ.