ޗައިނާގެ ފަތުރުވެރިކަމުގެ މާކެޓް ދެނެގަތުމާގުޅޭ ޓްރެއިނިންއެއް ރާއްޖޭގައި ހިންގުމަށް މަޓާޓޯއިން ނިންމައިފިއެވެ.
މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއަރ އޮޕަރޭޓަރސް، މަޓާޓޯއިން ޗައިނާގެ އެންމެ ކުރިއަރާފައިވާ ރިސަރޗް މަސައްކަތް ކުރާ ކުންފުނިތަކުގެތެރޭގައި ހިމެނޭ، ޗައިނާ އައުޓްބައުންޓް ޓޫރިޒަމް ރިސަރޗް އިންސްޓިޓިއުޓާ ގުޅިގެން ބާއްވާ މި ޓުރެއިނިންގ ޕްރޮގްރާމް ބޭއްވުމަށް ހަމަޖެހިފައިވަނީ އަންނަ މަހުގެ އެގާރަވަނަ ދުވަހުއެވެ.
"އެޓްރެކްޓިންގ ދަ ރައިޓް ޗައިނީސް ޓްރެވަލަރ" ގެ ނަމުގައި ބާއްވާ މި ޓްރެއިނިން ޕްރޮގްރާމުގައި ޗައިނާއިން ރާއްޖެއަށް އަންނަ ފަތުރުވެރިންގެ ޢަދަދު އިތުރުކުރުމަށް ކުރެވިދާނެ ކަންތައްތައް ކިޔާދޭނެ ކަމަށް މަޓާޓޯއިން ބުނެއެވެ.
މި ޓްރެއިނިންގ ޕްރޮގްރާމްގައި ރަޖިސްޓްރީ ވުމުގެ ފުރުސަތު ވަނީ މިހާރު ވަނީ ހުޅުވާލާފައެވެ.