ވިދިވިދިގެން 6 އަހަރު ދުނިޔޭގެ ލީޑިންގ އެއަރޕޯޓް ރިސޯޓްގެ އެވޯޑް ހުޅުލޭ އައިލެންޑް ހޮޓެލް ހޯދައިފިއެވެ.
ވޯލްޑް ޓްރެވެލް އެވޯޑްސްގައި, ހުޅުލޭ އައިލެންޑް ހޮޓެލް އަންނަނީ 2012 ވަނަ އަހަރުން ފެށިގެން މި އެވޯޑް ދިފާއުކުރަމުންނެވެ. ވިއެޓްނާމްގެ ޖޭ.ޑަބްލިއު މެރިއޮޓް ހޮޓެލްގައި ބޭއްވި މި އަހަރުގެ ވޯލްޑް ޓްރެވެލް އެވޯޑް ހަފްލާގައި ހުޅުލޭ އައިލެންޑް ހޮޓެލް ވަނީ އަނެއްކާވެސް މި އެވޯޑް އުފުލާލާފައެވެ.
ހުޅުލޭ އައިލެންޑް ހޮޓެލަކީ ރާއްޖޭގެ މައި އެއަރޕޯޓްކަމުގައިވާ ވެލާނާ އިންޓަނޭޝަނަލް އެއަރޕޯޓްގައި ހުންނަ ހަމައެކަނި ހޮޓެލެވެ. މިތަނުގައި ގެސްޓުންނަށް ޙިދުމަތްދިނުމަށް 136 ކޮޓަރި ހުރެއެވެ. ވޯލްޑް ޓްރެވެލް އެވޯޑްސް ގެ އިތުރުން ހުޅުލޭ އައިލެންޑް ހޮޓެލުންދަނީ ޤައުމީ އަދި ބައިނަލްއަޤްވާމީ ފެންވަރުގެ ގިނަ އެވޯޑްތަކެއް ހާސިލްކުރަމުންނެވެ.
ވޯލްޑް ޓްރެވެލް އެވޯޑަކީ ފަތުރުވެރިކަމުގެ ދާއިރަގައި ދޭ އެންމެ ޝަރަފްވެރި އެއް އެވޯޑެވެ. މި އަހަރުގެ ވޯލްޑް ޓްރެވަލް އެވޯޑްސް ގައި ރާއްޖެއިންވަނީ ގިނަ އެވޯޑްތަކެއް ކާމިޔާބުކޮށްފައެވެ. އޭގެތެރޭގައި ދުނިޔޭގެ އެންމެ މަޤްބޫލް ހަނީމޫން ޑެސްޓިނޭޝަން އަދި ޑައިވް ޑެސްޓިނޭޝަން އެވޯޑް ފާހަގަކޮށްލެވެއެވެ.