ފަތުރުވެރިންގެ މެދުގައި މަޤުބޫލްކަން ހޯދާފައިވާ ޓްރިޕް އެޑްވައިޒަރ ވެބްސައިޓުން އެކުލަވާލާފައިވާ މި އަހަރުގެ އެންމެ ހިތްގައިމު ފަންސަވީސް ހޮޓާ ރިސޯޓުގެ ލިސްޓުގައި ރާއްޖޭގެ ދެ ރިސޯޓެއް ހިމެނިއްޖެއެވެ.
ރާއްޖޭގެ ގިލި ލަންކަންފުށި ހިމެނިފައިވަނީ މި އަހަރުގެ އެންމެ ހިތްގައިމު ފަސްވީސް ހޮޓާ ރިސޯޓްގެ ލިސްޓު ދެވަނާގައެވެ. މި ލިސްޓުން ދެން ޖާގަ ހޯދާފައިވާ ރާއްޖޭގެ އަނެއް ރިސޯޓަކީ ބަރޮސް މޯލްޑިވިސް ރިސޯޓްއެވެ. ބަރޮސް މި ލިސްޓްގައި ހިމެނިފައިވަނީ ފަނަރަވަނަައިގައެވެ.
ޓްރިޕް އެޑްވައިޒަރގެ ޓްރެވަލަރސް ޗޮއިސް ލިސްޓު ތައްޔާރުކޮށްފައިވަނީ އެ ވެބްސައިޓް ބޭނުންކުރާ ފަރާތްތަކުގެ ހިޔާލްތަކުގެ މައްޗަށް ބިނާކޮށެވެ. ޓްރިޕް އެޑްވައިޒަރ އަކީ، ހޮޓާތަކާއި ފަތުރުވެރިކަމުގެ ދާއިރާގެ މައުލޫމާތާއި ޚިދުމަތް ފޯރުކޮށްދޭ މަޤްބޫލް ވެބްސައިޓެކެވެ.
މަޝްހޫރު ޓްރެވަލް މަޖައްލާއެއް ކަމަށްވާ ކޮންޑެނާސްޓް ޓްރެވަލަރސްގެ މިއަަހަރުގެ ގޯލްޑް ލިސްޓްގައިވެސް ރާއްްޖޭ ރިސޯޓެއްވަނީ ހިމެނިފައެވެ. އެލިސްޓްގައި ހިމނެިފައިވާ ސޮނެވާފުށިއެވެ. ކޮންމެ އަހަރަކު ކޮންޑެނާސްޓް އިން ނެރޭ ގޯލްޑް ލިސްޓަކީވެސް ދުނިޔޭގެ އެންމެ ރަނގަޅު ހޮޓެލްތައް ހިމަނައިގެން ނެރެމުން އަންނަ ލިސްޓެކެވެ.