ޖޭއޭ މަނަފަރު ރިސޯޓަށް "ޓްރިޕް އެޑްވައިޒަރ ޓްރެވެލާރސް ޗޮއިސް އެވޯޑްސް" ގެ ސަރަހައްދީ 4 އެވޯޑެއް ލިބިއްޖެއެވެ.
އެ ރިސޯޓަށް ލިބިފައިވަނީ ރާއްޖޭގެ އެންމެ ކުރިއަރާފައިވާ ހޮޓެލް ތަކުގެ 5 ވަނަ އާއި، ޙިދުމަތް ދިނުމުގައި އެންމެ ކުރިއަރާފައިވާ ރާއްޖޭގެ ހޮޓެލް ތަކުގެ 6 ވަނަ އަދި އެންމެ ރޮމޭންޓިކް ހޮޓެލް ލިސްޓްގެ 10 ވަނައިގެ އިތުރުން ރާއްޖޭގެ އެންމެ ލަކްޒަރީ 10 ހޮޓެލްގެ ލިސްޓްގައިވެސް އެ ރިސޯޓްވަނީ ހިމެނިފައެވެ.
ޓްރިޕް އެޑްވައިޒަރގެ ޓްރެވަލަރސް ޗޮއިސް ލިސްޓު ތައްޔާރުކޮށްފައިވަނީ އެ ވެބްސައިޓް ބޭނުންކުރާ ފަރާތްތަކުގެ ޚިޔާލުތަކުގެ މައްޗަށް ބިނާކޮށެވެ. ޓްރިޕް އެޑްވައިޒަރަކީ، ހޮޓާތަކާއި ފަތުރުވެރިކަމުގެ ދާއިރާގެ މައުލޫމާތާއި ޚިދުމަތް ފޯރުކޮށްދޭ މަޤްބޫލް ވެބްސައިޓެކެވެ.
ޓްރިޕް އެޑްވައިޒަރ ވެބްސައިޓުން އެކުލަވާލާފައިވާ މި އަހަރުގެ އެންމެ ހިތްގައިމު ފަންސަވީސް ހޮޓާ ރިސޯޓުގެ ލިސްޓުގައި ރާއްޖޭގެ ދެ ރިސޯޓެއްވެސް ވަނީ ހިމެނިފައެވެ. އޭގެތެރޭގައި ހިމެނެނީ ގިލި ލަންކަންފުށި އަދި ބަރޮސް މޯލްޑިވިސް ރިސޯޓެވެ.