ފީލް އިންވެސްޓްމަންޓުން ރާއްޖޭގެ ފަތުރުވެރިކަން އިސްތިހާރުކުރުމަށް ޚާއްސަ މޯބައިލް އެޕްލިކޭޝަނެއް ތައާރަފްކޮށްފިިއެވެ.
"ފީލް މޯލްޑިވްސް" ގެ ނަމުގައި ތައާރަފްކުރި މި އެޕްލިކޭޝަނަކީ ރާއްޖޭގެ ފަތުރުވެރިކަމަށް ޙާއްސަކޮށްގެން ތައާރަފްކުރި މިފަދަ ފުރަތަމަ މޯބައިލް އެޕްލިކޭޝަނެވެ. މި އެޕްލިކޭޝަން މެދުވެރިކޮށް ރާއްޖޭގެ ރިސޯޓްތަކާއި، ގެސްޓްހައުސްތަކާއި ސަފާރީތައް ބަލާ އެތަންތަނުން ބުކިންގ ވެސް ހެއްދޭނެއެވެ.
މި އެޕްލިކޭޝަނަކީ ރާއްޖޭގެ ފަތުރުވެރިކަމާ ގުޅުންހުރި ހުރިހާ ކަމެއް ފަސޭހައިން ބަލާލެވޭނެ އެޕްލިކޭޝަނެއްކަމަށް ފީލް މޯލްޑިވްސް އިން ބުނެއެވެ. މި އެޕްލިކޭޝަން މެދުވެރިކޮށް ބުކިންގ ހައްދާ ދިވެހިންނަށް ޚާއްސަ ޑިސްކައުންޓްތަކެއް ލިބިގެންދާނެކަމަށްވެސް ފީލް މޯލްޑިވްސްއިން ބުނެއެވެ.
"ފީލް މޯލްޑިވްސް" އެޕްލިކޭޝަން މިހާރު ޕްލޭސްޓޯރާއި އެޕްސްޓޯރުންވެސް ޑައުންލޯޑް ކުރެވެންހުރިއިރު، މި އެޕްލިކޭޝަން އިތުރަށް ފުރިހަމަކުރުމަށް ގެންނަންޖެހޭ އަޕްޑޭޓްތައް ގެނެސް ނިމޭއިރު އެޕްލިކޭޝަން މެދުވެރިކޮށް ސުވެނިއަރވެސް ގަނެވޭނެކަމަށް ފީލް އިންވެސްޓްމަންޓުން ބުނެއެވެ.