އޯ ބްލޫ ސިލެކްޓް އެޓް ސަންގެލި ރިސޯޓް
ކ. އަކިރިފުށީގައި ތަރައްޤީކޮށްފައިވާ އޯ ބްލޫ ސިލެކްޓް އެޓް ސަންގެލި ރިސޯޓް ޖުލައި މަހުގެ 1 ވަނަ ދުވަހު ހުޅުވާނެކަމަށް އެ ރިސޯޓުން ބުނެފިއެވެ. ރިސޯޓަށް ޒިޔަރަތްކުރާ ފަތުރުވެރިންގެ ފުރަތަމަ ގުރޫޕަށް މަރުޙަބާ ކިޔުމަށް އެ ރިސޯޓުން މިހާރު އަންނަނީ އެންމެ ފަހުގެ ތައްޔާރީތައްވެސް ވަމުންނެވެ.
މާލެއަތޮޅު އަކިރިފުށިން ބައެއް ހިއްކައިގެން ތަރައްޤީކޮށްފައިވާ އޯ ބްލޫ ސިލެކްޓް އެޓް ސަންގެލި ރިސޯޓުގައި 39 ބީޗް ވިލާ އާއި 14 ޑިލަކްސް ބީޗް ވިލާ އަދި ޕޫލާއެކު ހުންނަ 45 ވިލާ އާއެކު 26 ވޯޓާ ވިލާ ހުންނާނެ އެވެ. މިއީ ހަތަރު ތަރީގެ ރިސޯޓެކެވެ.
މި ރިސޯޓް ތަރައްޤީކޮށްފައިވަނީ އެޓްމޮސްފިއާ ހޮޓެލްސް އެންޑް ރިސޯޓުންނެވެ. އެ ކުންފުނިން މިހާރުވެސް އަންނަނީ ރާއްޖެގައި 2 ރިސޯޓެއް ހިންގަމުންނެވެ. އެއީ ކަނިފުށި ރިސޯޓާއި މާދޫ ރިސޯޓެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ