ހުޅުލޭ އައިލެންޑް ހޮޓެލްގެ އުޑުވިލާ ރެސްޓޯރަންޓަށް "ވޯލްޑް ލަގްޒަރީ ރެސްޓޯރަންޓް އެވޯޑްސް" ގެ 4 އެވޯޑެއް ލިބިއްޖެއެވެ.
އުޑުވިލާ ރެސްޓޯރަންޓަށް ލިބިފައިވަނީ ސަރަހައްދީ ފެންވަރުގެ 3 އެވޯޑަކާއި، ޤައުމީ ފެންވަރުގެ 1 އެވޯޑެކެވެ. އެގޮތުން ސަރަހައްދީ ފެންވަރުގައި ލިބިފައިވަނީ ލަގްޒަރީ ހޮޓެލް ރެސްޓޯރަންޓް އެވޯޑާއި، އެކްލެކްޓިކް އިންޓަނޭޝަނަލް ކުޒީން ގެ އިތުރުން ހައުޓް ކުޒީން އިން އިންޑިއަން އޯޝަން އެވޯޑެވެ. ޤައުމީ ފެންވަރުގައި އެ ރެސްޓޯރަންޓަށް ލިބިފައިވަނީ ލަގްޒަރީ ސީނިކް ސެޓިންގ އިން މޯލްޑިވްސް އެވޯޑެވެ.
ހުޅުލޭ އައިލޭންޑް ހޮޓެލްއަކީ ހުޅުލޭގައި ހުންނަ ހަމައެކަނި ހޮޓެލްއެވެ. މި ހޮޓެލްއިން ވެލާނާ އިންޓަނޭޝަނަލް އެއަރޕޯޓަށް 5 މިނެޓުން ދެވޭއިރު، މިތަނުން ގެސްޓުންނަށް ޙިދުމަތް ދިނުމަށް 136 ކޮޓަރިހުރެއެވެ.
ވޯލްޑް ލަގްޒަރީ ރެސްޓޯރަންޓް އެވޯޑަކީ ދުނިޔޭގެ އެކި ކަންކޮޅުތަކުން ފާހަގަކޮށްލެވޭ ރެސްޓޯރަންޓްތަކަށްދޭ އެވޯޑެކެވެ. މި އެވޯޑް 78 ދާއިރާއަކުން ދެއެވެ. އެވޯޑް ދިނުމުގައި ބަލަނީ ގެސްޓުންގެ އިތުރުން ދާއިރާގެ ތަޖްރިބާކާރުންގެ ފަރާތުން ލިބޭ ވޯޓުގެ މާރކްސްއަށްށެވެ.