އަމާނާ ތަކާފުލް މޯލްޑިވްސްގެ މެޑިކަލް އިންޝުއަރަންސް ކަސްޓަމަރުންނަށް ޓްރީ ޓޮޕް ހޮސްޕިޓަލްގެ ބިލްތަކަށް ފައިސާދެއްކޭ ގޮތް ހަދައިފިއެވެ.
ޓްރީ ޓޮޕް ހޮސްޕިޓަލާއި އަމާނާ ތަކާފުލް ގުޅިގެން ތައާރަފްކުރި ޚިދުމަތުގެ ސަބަބުން އަމާނާ ތަކާފުލްގެ ކަސްޓަމަރުންނަށް އިންޝުއަރަންސް ކާޑަށް، ޓްރީ ޓޮޕް ހޮސްޕިޓަލުގެ ޚިދުމަތް ލިބިގެންދާނެއެވެ.
ދިވެހިރާއްޖޭގައި މެޑިކަލް އިންޝުއަރަންސް ބާޒާރުގެ އިސް ފަރާތެއްގެ ހައިސިއްޔަތުން އަމާނާ ތަކާފުލް އިން އަބަދުވެސް ބަލަނީ މި ޚިދުމަތުގެ ކަވަރޭޖް އެންމެ ފުޅާ ދާއިރާއެއްގައި ފޯރުކޮށްދިނުމަށް ކަމަށް އެކުންފުނިން ހާމަކުރެއެވެ.
ޓްރީ ޓޮޕާއި އަމާނާ ތަކާފުލް ގުޅިގެން ތައާރަފްކުރެވުނު މި ޚިދުމަތުގެ ސަބަބުން ކަސްޓަމަރުންނަށް އެންމެ މަތީ ފެންވަރުގެ ސިއްޙީ ފަރުވާ، އެއްވެސް ދަތިކަމަކާ ނުލާ ޓްރީ ޓޮޕް ހޮސްޕިޓަލުން ލިބިގެންދާނެކަމަށްވެސް އަމާނާ ތަކަފުލްއިން ބުނެއެވެ.
ހުޅުމާލޭގައި ހިންގާ ޓްރީ ޓޮޕް ހޮސްޕިޓަލުގެ ހުރިހާ ޚިދުމަތްތަކުގެ އަގުތަކަށް ވަނީ ހެޔޮބަދަލުތަކެއް ގެނެސް އަދި އާސަންދައިގެ އިތުރުން އެހެނިހެން އިންޝުއަރަންސް ލިބޭގޮތައް ހަމަޖެހިފައެވެ.