މިދިޔަ އަހަރު އޮސްޓްރޭލިއާއިން ރާއްޖެއަށް ޒިޔާރަތްކުރި ފަތުރުވެރިންގެ އަދަދު ވަރަށް ބޮޑު ތަނުން އިތުރުވެއްޖެއެވެ.
ހުސްވި އަހަރު އޮސްޓްރޭލިއާއިން ރާއްޖެއަށް ޒިޔާރަތްކޮށްފައިވާ ފަތުރުވެރިންގެ އަދަދު ވަނީ އޭގެ ކުރީ އަހަރާ އަޅާބަލާއިރު ތިރީސް ހައެއް ޕޮއިންޓު ދޭއް އިންސައްތަ އިތުރުވެފައެވެ. ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން މިދިޔަ އަހަރު އޮސްޓްރޭލިއާއިން ތިރީސް ހަތްހާސް ދުއިސައްތަ ފަންސާސް ހަތަރު ފަތުރުވެރިން ރާއްޖެއަށް ޒިޔާރަތްކޮށްފައިވާއިރު ދެހާސް ހަތްވަނަ އަހަރު އެޤައުމުން ރާއްޖެއަށް އައިސްފައިވަނީ ހަތާވީސް ހާސް ތިންސަތޭކަ ފަސްދޮޅަސް ފަތުރުވެރިންނެވެ.
އޮސްޓްރޭލިއާއިން ރާއްޖެއަށް އަންނަ ފަތުރުވެރިންގެ އަދަދު އިތުރުވުމާއި އެކު ރާއްޖެއަށް އެންމެ ގިނަ އަދަދަކަށް ފަތުރުވެރިން ޒިޔާރަތްކުރާ 10 ޤައުމުގެ ލިސްޓުގައި އެޤައުމު މިހާރު ހިމެނެއެވެ. އޮސްޓްރޭލިއާގެ އިތުރުން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އެންމެ ބޮޑަށް އިތުރުވެފައިވާ ޤައުމުތަކުގެ ތެރޭގައި އިޓަލީ ވިލާތް، ފަރަންސޭސިވިލާތް އަދި ރަޝިޔާ ހިމެނެއެވެ.
މިދިޔަ އަހަރުގެ ޑިސެމްބަރުމަހުގެ ނިޔަލަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދުވަނީ 1.4 މިލިއަން އަށް އަރާފައެވެ. މިއަދަދަކީ 2017 ވަނަ އަހަރުގެ އެމުއްދަތުގައި ރާއްޖެއަށް ޒިޔާރަތްކުރި ފަތުރުވެރިންގެ އަދަދާއި އަޅާ ބަލާއިރު ހައެއް ޕޮއިންޓް އަށެއް އިންސައްތަ އިތުރު އަދަދެކެވެ.