އައްޑޫ ސިޓީގައި ހިނގި ސައިކަލު އެކްސިޑެންޓެއްގައި އަނިޔާވި 6 އަހަރުގެ ފިރިހެން ކުއްޖަކު އިތުރު ފަރުވާއަށް މާލެ ގެނެސްފިއެވެ.
އެކުއްޖާ މާލެ ގެނެސްފައިވަނީ އެމްއެންޑީއެފް ހެލިކޮޕްޓަރުގައެވެ.
އައްޑޫ ސިޓީގެ ހިތަދޫ ރީޖަނަލް ހޮސްޕިޓަލުހައި ފަރުވާ ދިނުމަށްފަހު އިތުރު ފަރުވާއަށް މި ކުއްޖާ މާލެ ގެނެސްފައިވަނީ މިއަދު ހެނދުނު 10:30ގައެވެ. މި ކުއްޖާ މާލެ ގެނެސްފައިވަނީ ބޮލަށް ސީރިއަސް އަނިޔާތަކެއް ލިބިފައިވާތީއެވެ.
އެކުއްޖާއަށް މިހާރު އައިޖީއެމްއެޗުގައި ފަރުވާ ދެމުން ދާއިރު އެ ކުއްޖާގެ ހާލު ރަނގަޅުވަމުން އަންނަކަމަށް އެ ހޮސްޕިޓަލުން ވިދާޅުވެއެވެ.
އިއްޔެގެ ވަގުތެއްގައި އައްޑޫސިޓީގައި ހިނގި މި އެކްސިޑެންޓް ހިނގާފައިވަނީ، މި އެކްސިޑެންޓްގައި އަނިޔާވި ކުޑަކުއްޖާ މަގުމަތިން ދުއްވާފައި ދަނިކޮށް، ދުއްވާފައިދިޔަ ސައިކަލެއްގައި ޖެހިގެންކަމަށް މަޢުލޫމާތު ލިބެއެވެ.