ފިހާރަ އަކުން ބޭންކަށް ޖަމާކުރަން ގެންދިޔަ ތިން ލައްކަ އަށް ވުރެ ގިނަ ރުފިޔާ ފޭރިގެންފިއެވެ.
ހުޅުމާލެގައި ހުންނަ ރޫޓް ފިހާރަ އިން ބޭންކްއަށް ޖަމާ ކުރުމަށް ގެންދިއުމަށްޓަކައި އެފައިސާ ހިފައިގެން ވޭނަށް އަރަނިކޮށް ސައިކަލެއްގައި މޫނު ނިވާކޮށްގެން ހުރި މީހަކު އައިސް ވަޅިން ބިރުދެއްކުމަށް ފަހު އެ ފައިސާ ފޭރިގެން މައްސަލަވަނީ ފުލުހަށް ހުށައަޅާފައިވާކަމަށް ފުލުހުން ވިދާޅުވެއެވެ.
މި މައްސަލަ ފުލުހުންނަށް ރިޕޯޓްކޮށްފައިވަނީ 10:21 ހާއިރުއެވެ. ކުންފުނި އަދި ފިހާރަތަކުން ގިނަ އަދަދުގެ ފައިސާ އާއި ޗެކް ތަންތަނަށް ގެންދިޔުމަށް މާލޭގައި ނަމަ ފުލުހުންގެ އިންސްޓްލޭޝަން ސެކިއުރިޓީ ގެ ޚިދުމަތް ބޭނުންކުރުމަށް މޯލްޑިވްސް ޕޮލިސް ސަރވިސްއިން އިލްތިމާސްކުރެއެވެ.
އަދި ހުޅުމާލޭގައިވެސް މިފަދަ މުޢާމާލާތްތައް ކުރާނަމަށް ފުލުހުންގެ ޚިދުމަތް ހޯދުމަށް އިދާރާއިން އިލްތިމާސްކުރެއެވެ. އަދި އަތޮޅުތަކުގައި ނަމަ އެ ރަށެއްގެ ފުލުހުންގެ މަރުކަޒަށް ގުޅުއްވުމަށް އިލްތިމާސްކުރެއެވެ.