ހުޅުމާލެ ހޮސްޕިޓަލް / ފޮޓޯ: ޕީއެސްއެމް ނިއުސް
ރާއްޖޭގައި މަސައްކަތް ކުރަމުންދިޔަ ބަންގްލަދޭޝް ރައްޔިތެއްގެ ކުއްލި މަރު ފުލުހުން ތަޙްޤީޤްކުރަން ފަށައިފިއެވެ.
ފުލުހުން ވިދާޅުވީ ހުޅުމާލެ ކޮންސްޓްރަކްޝަން ސައިޓެއްގައި މަސައްކަތްކުރަމުންދިޔަ އުމުރުން 37 އަހަރުގެ ބަންގްލަދޭޝް ފިރިހެނަކު ނޭވާލާން އުނދަގޫވެގެން ހުޅުމާލެ ހޮސްޕިޓަލަށް ގެންގޮސް ފަރުވާ ދިނުމަށްފަހު ދޫކޮށްލުމުން، މޭގަ ރިއްސާތީ 2 ވަނަ ފަހަރަށް ހޮސްޕިޓަލަށް ގެންދިޔައިރު މަރުވެފައިވާކަމަށެވެ.
މި މީހާ މަރުވެފައިވަނީ މިއަދު ހެނދުނު 6:17 އެހާކަންހާއިރުކަމަށް ފުލުހުން މައުލޫމާތުދެއްވައެވެ. ފުލުހުން ވިދާޅުވީ މި މައްސަލަ ތަޙްޤީގުކުރަމުންދާކަމަށެވެ. ނަމަވެސް މިކަމާގުޅޭ އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ