މުދާ ކުލިއާ ކުރުމަށް އާންމުކޮށް ނަގާ ފީގެ އިތުރުން އެހެން ފީއެއް ނެގޭނީ ހުއްދަ ހޯދައިގެން- ޓްރާންސްޕޯޓް އޮތޯރިޓީ
ރާއްޖެއަށް އެތެރެކުރާ މުދާ ކުލިއާ ކުރުމަށް އާންމުކޮށް ނަގާ ފީގެ އިތުރުން އެހެން އެެއްވެސް ފީއެއް ނަގަންވާނީ ޓްރާންސްޕޯޓް އޮތޯރިޓީން ހުއްދަ ހޯދައިގެންކަމަށް އެތޯރިޓީން ހާމަކޮށްފިއެވެ.
ޓްރާންސްޕޯޓް މިނިސްޓްރީން ވިދާޅުވީ ރާއްޖެއަށް އެތެރެކުރާ މުދާ ކުލިއަރ ކުރުމުގައި، ފޯވާޑިންގ އެންޓުން ޑެލިިވަރީ އޯޑަރ ދޫކުރުމުގައި ތަފާތު ގިނަ ފީތަކެއް ނަގަމުންދާކަމަށެވެ. އެހެންކަމުން ޓަރމިނަލް ހެންޑްލިންގ ޗާޖާއި، ކަސްޓަމްސް އަށް ދައްކަންޖެހޭ ޗާޖާއި ޑީއޯ އެޑްމިނިސްޓްރޭޓިވް ޗާޖް ފިޔަވައި އިތުރު އެއްވެސް ފީއެއް ނުވަތަ ޗާޖެއް ނަގަންވާނީ އެއޮތޯރިޓީއަށް ހުށަހަޅައި ހުއްދަ ހޯދައިގެން ކަމަށެވެ. އަދި މިއާ ޚިލާފުވާ ފަރާތްތަކާމެދު ފިޔަވަޅު އަޅާނެ ކަމަށްވެސް އެއޮތޯރިޓީން ވިދާޅުވެއެވެ.
ފޯވާޑިންގ އޭޖެންޓުން ޑެލިިވަރީ އޯޑަރ ދޫކުރުމުގައި ތަފާތު ގިނަ ފީތަކެއް ނަގަމުންދާ ކަން ފާހަގަކުރެވުނީ، ފަހަކަށް އައިސް މުދަލުގެ "ކޮންސައިނީ" ނުވަތަ މުދާ އެތެރެކުރާފަރާތަކުގެ އަތުން އޭޖެންޓުން ޑެލިވަރީ އޯޑަރު ދޫކުރުމުގައި ތަފާތު އެކިއެކި ނަން ނަމުގައި ގިނަ ޗާރޖް ތަކެއް ނަގަމުން ގެންދާ ކަމުގެ ޝަކުވާ ލިބުމާ ގުޅިގެން އެއޮތޯރިޓީގެ ފަރާތުން މިކަމާބެހޭގޮތުން ހޯދިހޯދުންތަކުން އެކަން އެނގިގެންކަމަށް ޓްރާންސްޕޯޓް އޮތޯރިޓީން ހާމަކުރައްވައެވެ.
އެ އޮތޯރިޓީން ވިދާޅުވީ މިފަދަ ޗާޖްތައް އުސޫލެއްނެތި ނެގުމުގެ ސަބަބުން ބާޒާރަށް ނެރޭ މުދަލުގެ އަގު އުފުލެމުންދާކަންވެސް ފާހަގަ ކުރެވެމުންދާކަމަށެވެ.
ރާއްޖެއަށް އެތެރެކުރާ، އިމާރާތްކުރަން ބޭނުން ކުރާ އަސާސީ މުދަލާއި ތަރުކާރީއާއި މޭވާގެ ބާވަތްތަށް ފިޔަވައި އެހެނިހެން ހުރިހާ މުދަލެއްހެން މިހާރު އިމްޕޯޓް ކުރަނީ ކޮންޓޭނަރުގައެވެ. މިކޮންޓޭނަރުތައް ކޮމާޝަލް ބަދަރުން ދޫކުރަނީ ފްރޭޓް ފޯވަރޑިން އޭޖެންޓުގެ ފަރާތުން ދޭ ޑެލިވަރީ އޯޑަރ(ޑީ.އޯ) މުދާ ދޫކުރާ މުއައްސަސާތަކަށް ހުށަހަޅައިގެންނެވެ.