މާލޭގައި 24 ގަޑިއިރު ވިޔަފާރިކުރުމަށް މިހާތަނަށް 14 ފަރާތަކަށް ހުއްދަ ދީފައިވާކަމަށް އިކޮނޮމިކް މިނިސްޓްރީން ބުނެފިއެވެ. އިކޮނޮމިކް މިނިސްޓްރީން ބުނީ ހުއްދަ ދީފައިވަނީ ކެފޭ ރެސްޓޯރަންޓް ހިމެނޭގޮތުން 10 ތަނަކަށާއި، 4 ފިހާރައަކަށްކަމަށެވެ.
24 ގަޑިއިރު ވިޔަފާރިކުރުމަށް ހުއްދަދީފައިވާ ކެފޭ ރެސްޓޯރަންޓްތައް
1- ސީހައުސް (ހުޅުމާލޭ ފެރީ ޓަރމިނަލް )
2- ސެފްރޮން ކެފޭ ( ސޯސަންމަގު )
3- ނައިސް އެންޑް ސްޕައިސް ( ފުޑްކޯޓް )
4- ވީވަރ ކެފޭ ( ފުޑްކޯޓް )
5- ރިޓްރީޓް ޑިލައިޓް ( ފުޑްކޯޓް )
6- މާރުކޭޓް ހޮޓަލް
7- ނޮވެލް ބިސްޓްރޯ ( ފުޑްކޯޓް )
8- ޑޯލްފިން ވިއު ކެފޭ ( ކާނިވާ )
9- އެމް.ޓީ ކެންޓީން ( އެމްޑަބްލިޔުއެސްސީ ކެންޓީނު )
10- ސައުތު ވިންގް ކެފޭ ( ބިޒަނަސް ސްކޫލް )
24 ގަޑިއިރު ވިޔަފާރިކުރުމަށް ހުއްދަދީފައިވާ ފިހާރަތައް
1- އެކްސްޕްރެސް މާޓް ( ވިލިނގިލި ފެރީ ޓާރމިނަލް )
2- ނިއު ޗެއިން (ސޯސަންމަގު )
3- ޝޮޕް އެންޑް ސޭވް ( ސޯސަންމަގު )
4- އޭ. އެން.ޖީ ޓުރޭޑަރސް ( އޯކިޑްމަގު )
24 ގަޑިއިރު ވިޔަފާރިކުރުމުގެ ހުއްދަ ދޭ ތަންތަނުގައި ހުންނަންޖެހޭ ޝަރުތުތަކުގެ ތެރޭގައި އެތެރެ ސާފުކޮށް ފެންނަ ގޮތަށް ހުރުމާއި، 24 ގަޑިއިރު އޮޕަރޭޓްކުރާ ކެމެރާ ހަރުކޮށްފައި ހުރުމާއި، ދުންފަތުގެ އިސްތިއުމާލު ކުރުން މަނާ ތަނަކަށްވުން ހިމެނެއެވެ.
މާލޭގައި 24 ގަޑިއިރު ވިޔަފާރިކުރުމަށް ހުއްދަ ދޭ ސަރަހައްދުތަކުގެ ތެރޭގައި ބޮޑުތަކުރުފާނު މަގު، ކަނބާއައިސާރަނި ހިނގުމާއި ފަރީދީމަގާއި ސޯސަންމަގާއި މެދުޒިޔާރަތްމަގު ހިމެނެއެވެ. މީގެ އިތުރުން ޖަނަވަރީމަގާއި މަޖީދީމަގާއި ބުރުޒުމަގާއި އޯކިޑުމަގާއި އަމީނީމަގާއި ލޮނުޒިޔާރަތްމަގުވެސް 24 ގަޑިއިރު ވިޔަފާރިކުރުމުގެ ހުއްދަދޭ ސަރަހައްދުތަކުގެ ތެރޭގައި ހިމެނެއެވެ.