ބިދޭސީންގެ ހުއްދައިގެ ކަންކަން ރޯދަމަހު އިކޮނޮމިކް މިނިސްޓްރީން ދެމުން ގެންދާ ގަޑިތައް އާއްމުކޮށްފި

ރާއްޖޭގައި މަސައްކަތްކުރުމަށް ގެންނަ ބިދޭސީންގެ ހުއްދައިގެ ކަންކަން ރަމަޟާންމަހު, އިކޮނޮމިކް މިނިސްޓްރީން ދެމުން ގެންދާނެ ގަޑިތައް އާއްމުކޮށްފިއެވެ.

އެގޮތުން ރާއްޖެއަށް އަންނަ ބިދޭސީ މަސައްކަތްތެރިން ގެނައުމަށް އެކްސްޕެޓް އޮންލައިން މެދުވެރިކޮށް އިކޮމިކް މިނިސްޓްރީއިން ދެމުންގެންދާ ކޯޓާ ދޫކުރުމާއި، އެމްޕްލޯއިމަންޓް އެޕްރޫވަލް ދިނުމާއި، ޑިޕޮސިޓް ބަލައިގަތުމާއި އަދި ޑިޕޮސިޓް ރިފަންޑާއި ގުޅޭ ކައުންޓަރ ޚިދުމަތްތައް ދެމުންގެންދާނީ ހެދުނު 9:30 އިން 11:30 އަށެވެ. އަދި، އެކްސްޕެޓް ސިސްޓަމް ގެ އޮންލައިން ޚިދުމަތްތައް ލިބެމުން ދާނީ ހެނދުނު 11:30އާ ހަމައަށް ކަމަށް އިކޮނޮމިކް މިނިސްޓްރީން ހާމަކުރެއެވެ.

ރާއްޖޭގައި މަސައްކަތްކުރުމަށް ގެންނަ ބިދޭސީންގެ ހުއްދައިގެ ކަންކަން އިކޮނޮމިކް މިނިސްޓްރީގެ ބެލުމުގެ ދަށުން ދޭން ފަށައިފައިވަނީ މިއަހަރުގެ މަރޗުމަހުގެ ފަހުކޮޅުއެވެ. މީގެ ކުރިން ރާއްޖެ ގެންނަ ބިދޭސީ މަސައްކަތްތެރިން ހުއްދަދިނުމުގެ ކަންތައްތައް ކުރަމުން އައިސްފައިވަނީ މޯލްޑިވްސް އިމިގްރޭޝަނުންނެވެ.