މިއަހަރުގެ ފުރަތަމަ ކުއާޓަރގައި ދިރާގަށް ސާފު ފައިދާގެ ގޮތުގައި 238 މިލިއަން ރުފިޔާ ލިބިއްޖެއެވެ.
މިއީ ހުސްވި އަހަރުގެ ފަހު ކުއާޓަރގައި ސާފު ފައިދާގެ ގޮތުގައި ލިބުނު އަދަދަށްވުރެ %3 އިތުރު އަދަދެކެވެ.
ދިރާގުން އާއްމުކޮށްފައިވާ އެކުންފުނީގެ ހުސްވި އަހަރުގެ ފުރަތަމަ ކުއަރޓަރގެ މާލީ ހިސާބުތައް ދައްކާގޮތުން އެ ކުއާޓަރގައި އެކުންފުންޏަށްވަނީ އާމްދަނީގެ ގޮތުގައި 708 މިލިއަން ރުފިޔާ ލިބިފައެވެ.
މިއީ މިދިޔަ އަހަރުގެ ފަހު ކުއާޓަރގައި އާމްދަނީގެ ގޮތުގައި ލިބުނު 704 މިލިއަން ރުފިޔާއާއި އަޅާ ބަލާއިރު %1 އިތުރު އަދަދެކެވެ.
އެ ކުއަރޓަރގައި ފައިދާގެ ގޮތުގައި ދިރާގަށް 238 މިލިއަން ރުފިޔާވަނީ ލިބިފައެވެ. މިއީ ހުސްވި އަހަރުގެ ފަހު ކުއަރޓަގައި ފައިދާގެ ގޮތުގައި ލިބުނު 231 މިލިއަން ރުފިޔާއާ އަޅާ ބަލާއިރު %3 އިތުރު އަދަދެކެވެ.
ދިރާގަކީ ރާއްޖޭގެ އެންމެ ފުރަތަމަ މުވާސަލާތީ ޙިދުމަތް ފޯރުކޮށްދޭންފެށި ކުންފުންޏެވެ. ދިރާގުގެ %52 ހިއްސާއަކީ ބަހްރެއިންގެ ބީޓީސީ އައިލެންޑްސް ލިމިޓެޑްގެ ހިއްސާއެވެ. އަދި ދިވެހި ސަރުކާރުގެ %41.8 ހިއްސާއޮތްއިރު ބާކީ %6.2 ހިއްސާއަކީ އާންމު ރައްޔިތުންގެ ހިއްސާއެވެ.