އަންނަ އޯގަސްޓް މަހުގެ އެއްވަނަ ދުވަހު ބޭއްވުމަށް ހަމަޖެހިފައިވާ ތިން ބައި އިލެކްޝަންއަށް ރަށްވެހިވެފައިވާ ރަށްނޫން އެހެންރަށެއްގައި ވޯޓްލުމަށް ރަޖިސްޓްރީކުރުމުގެ ފުރުސަތު އިލެކްޝަންސް ކޮމިޝަނުން ހުޅުވާލައިފިއެވެ.އެކޮމިޝަނުން ވަނީ މި ފުރުސަތު އަންނަ އަންގާރަދުވަހުގެ ނިޔަލަށް ހުޅުވާލާފައެވެ. ރަށްވެހިވެފައިވާ ރަށްނޫން އެހެންރަށެއްގައި ވޯޓްލުމަށް ރަޖިސްޓްރީވުމަށް އެދޭ ފޯމް އިލެކްޝަންސް ކޮމިޝަންގެ އިދާރާއިންނާއި އެ ތިން ރަށުގެ ކައުންސިލް އިދާރާއިން ލިބެން ހުންނާނެކަމަށް އެކޮމިޝަނުން ބުނެއެވެ.މި ތިން ބައި އިލެކްޝަންއަކީ ހއ. ދިއްދޫ ކައުންސިލްއާއި ހދ. ނައިވައިދޫ ކައުންސިލާއި ނ. ހެނބަދޫ ކައުންސިލްގެ ބައި އިލެކްޝަނެވެ. މި ތިން ބައި އިލެކްޝަނަށް ޖުމްލަ 6 ކެންޑިޑޭޓުން ވާދަކުރާކަމަށް އިލެކްޝަންސް ކޮމިޝަނުން ބުނެއެވެ.މީގެ އިތުރުން އިލެކްޝަންސް ކޮމިޝަނުން ވަނީ މި ތިން ބައި އިލެކްޝަން މޮނިޓަރކުރުމާއި އޮބްޒަރވްކުރުމުގެ ފުރުސަތުވެސް މި މަހުގެ 16 ވަނަ ދުވަހާއި ހަމައަށް ހުޅުވާލާފައެވެ.