އެފްއޭއެމްގެ އެޕީލް ކޮމިޓީގެ ޗެއަރމަން އިބްރާހީމް ރިޟާ އޭއެފްސީގެ އެޕީލް ކޮމިޓީއަށް ހަމަޖައްސަވައިފިއެވެ. ރައްޔިތުންގެ މަޖިލީހުގެ ގުރައިދޫ
ދާއިރާގެ މެމްބަރުކަންވެސް ކުރައްވާ އިބްރާހީމް ރިޟާ އޭއެފްސީގެ އެޕީލް ކޮމިޓީއަށް
ހަމަޖެއްސެވީ މިމަހުގެ އެގާރަވަނަ ދުވަހު ބޭއްވި އޭއެފްސީގެ އެގްޒެކްޓިވް ކޮމިޓީގެ
ބައްދަލުވުމުގައެވެ.
އެކޮމިޓީގައި ދެހާސް ނަވާރަ ވަނަ އަހަރުގެ ނިޔަލަށް ރިޟާ އިންނަވާނެއެވެ. އިބްރާހީމް ރިޟާއަކީ ޤާނޫނީ ވަކީލެއްވެސްމެއެވެ. އަދި އެފްއޭއެމްގެ ކުރީގެ ދައުރުތަކުގައިވެސް
އެޕީލް ކޮމިޓީގައި މަސައްކަތްކުރައްވާފައިވާ ބޭފުޅެކެވެ.
މިއީ އޭއެފްސީގެ އެޕީލް ކޮމިޓީއަށް
ދިވެއްސަކު އައްޔަންކުރެއްވި ފުރަތަމަ ފަހަރެވެ. އޭއެފްސީގެ އެގްޒެކްޓިވް ކޮމިޓީގައި ރާއްޖޭގެ އެފްއޭއެމްގެ ނޮމަލައިގޭޝަން ކޮމިޓީގެ ޗެއަރމަން މުޙައްމަދު ޝަވީދު އިންނަވައެވެ.