ފްރަންޓް ލައިންގައި ހަރަކާތްތެރިވާ ބައެއް އިދާރާތަކަށް ބެސްޓު ބައި މޯލްޑިވްސް، ބީބީއެމްއިން ހޭންޑު ސެނިޓައިޒަރ ހަދިޔާކޮށްފިއެވެ.
ބީބީއެމްއިން ވަނީ އެމްއެންޑީއެފްއަށް ހޭންޑް ސެނިޓައިޒާގެ 5 ކޭސް، އެޗްޕީއޭއަށް 8 ކޭސް، ޕޮލިސް ސަރވިސްއަށް 5 ކޭސް އަދި ރެޑް ކުރެސެންޓަށް 5 ކޭސް ހޭންޑު ސެނިޓައިޒަރ ހަދިޔާކޮށްފައެވެ. ބީބީއެމްއިން ހަދިޔާކޮށްފައިވަނީ ލައިފް ބޯއި ބުރޭންޑުގެ ހޭންޑު ސެނިޓައިޒަރއެވެ.
ބީބީއެމްއިން ހަދިޔާކުރި ކޮންމެ ސެނިޓައިޒާ ކޭހެއްގައި 48 ފުޅި ހިމެނެއެވެ. ލައިފް ބޯއި ހޭންޑު ސެނިޓައިޒަރއަކީ އާއްމުންގެ މެދުގައި މަޤްބޫލްކަން ހޯދާފައިވާ ބުރޭންޑެކެވެ. އެގޮތުން 99.99 އިންސައްތަ ޖަރާސީމް މީގެން ނައްތާލައެވެ. އަދި 10 ގަޑިއިރު ވަންދެން ރައްކާތެރިކޮށްދިނުމުގެ ބާރު ލައިފް ބޯއި ހެންޑު ސެނިޓައިޒަރގައި ހުރެއެވެ.
ބީބީއެމް އަކީ ލައިފްބޯއީގެ އުފެއްދުންތަކުގެ ރާއްޖޭގެ އޮތޯރައިޒްޑް ޑިސްޓްރިބިއުޓަރއެވެ. އަދި މި ބުރޭންޑުގެ ތަކެތި ބީބީއެމްއިން ދަނީ ހޯލްސޭލްކޮށް އަދި ރީޓެއިލްކޮށް ވިއްކަމުންނެވެ.