އަލިފާނުގެ ހާދިސާއިން ރައްކަތެރިވުމަށް ސިއްޙީގޮތުން ކުރިމަތިވެފައިވާ މިޙާލަތުގައި ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން އިލްތިމާސްކޮށްފިއެވެ.
އެޗްޕީއޭއިންވަނީ އެސަރަހައްދަށް މީހުން ނުދިއުމަށާއި، އެސަރަހައްދުގައި ކޯވިޑް-19އަށް ޕޮޒިޓިވްވެ ކޮންޓެކްޓް ވެފައިވާ މީހުން ވީހާވެސް އަވަހަށް ރިޕޯޓް ކުރުމަށް އިލްތިމާސް ކުރައްވާފައެވެ. އެޗްޕީއޭއިން ވަނީ މިޙާލަތުގައި އެސަރަހައްދުގައި ދިރިއުޅޭ މީހުން ދުމުން ރައްކާތެރިވުމަށް ޚާއްސަ އިލްތިމާސްތަކެއް ކުރައްވާފައެވެ.
ދުމުގެ ނޭދެވޭ އަސަރު ތަކުން ރައްކާތެރިވުން
- ދުމުގެ އަސަރު ކޮށްފައިވާ ސަރަހައްދަށް ނުނިކުތުން (ކޮންމެހެން ނުކުންނަންޖެހިއްޖެ ހާލަތެއްގައި މެނުވީ)
- ދުމުގެ އަސަރު ކޮށްފައިވާ ސަރަހައްދަކަށް ނުކުތުމުގެ ކުރިން އަނގައާއި ނޭފަތް ނިވާކުރުން
- ގޭގެ ދޮރުތަކާއި ކުޑަ ދޮރުތައް، ދުމަށް ނުވަދެވޭގޮތަށް ބަންދުކުރުން
- ނޭވާލާ ނިޒާމު އަދި ހިތުގެ ބަލިތައް ހުންނަ މީހުންނަށް ދުމުގެ ސަބަބުން ކުރާ ނޭދެވޭ އަސަރު ބޮޑުވުން އެކަށީގެންވޭ
- ނޭވާ ކުރުވެ، ނޭވާލާން އުނދަގޫވުން، ގަދަޔަށް ކެއްސުން އަދި ބޯ އެނބުރުން ފަދަ އަލާމާތެއް ފެނިއްޖެނަމަ ލަސްނުކޮށް ސިއްހީ އެހީތެރިއެއްގެ ލަފާ ހޯއްދަވާ
އެޗްޕީއޭއިން ވަނީ މިޙާލަތުގައި ކަމާއިބެހޭ ފަރާތްތަކުން ދެއްވާ އިރުޝާދުތަކާ އެއްގޮތަށް ހުރިހާ ރައްޔިތުންވެސް ޢަމަލުކުރުމަށް އިލްތިމާސް ކުރައްވާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ