ސަރަހައްދީ އަދި ބައިނަލްއަޤްވާމީ ސަލާމަތާ ބެހޭ ކަންކަމާއި، ކައުންޓަރ-ޓެރަރިޒަމްގެ މައްސަލަތަކާ ގުޅޭގޮތުން ފޮރިން މިނިސްޓަރު ޑިފެންސް މިނިސްޓަރާއެކު މަޝްވަރާކުރައްވައިފިއެވެ.
މިމަޝްވަރާކުރައްވާފައިވަނީ ފޮރިން މިނިސްޓަރ އަބްދުﷲ ޝާހިދު، މިއަދު ޑިފެންސް މިނިސްޓަރ މާރިޔާ އަހުމަދު ދީދީއާ ބައްދަލުކުރައްވައެވެ.
މި ބައްދަލުވުމާ ގުޅޭ ގޮތުން ފޮރިން މިނިސްޓަރ ޝާހިދު ކުރެއްވި ޓުވީޓެއްގައި ވިދާޅުވީ އިންޑިއާ ކަނޑުގެ ސަލަމާތާ ރައްކާތެރިކަން ކަށަވަރުކުރުމުގައި ދިވެހިރާއްޖެއިން އަދާކުރާ މުހިއްމު ދައުރުގެ ސަބަބުން ޚާރިޖީ އަދި ދިފާޢީ ދާއިރާ ގުޅިގެން މަސައްކަތްކުރުން މުހިއްމުކަމަށެވެ.
މި ބައްދަލުވުމުގައި މިނިސްޓަރ އޮފް ސްޓޭޓް ފޮރ ފޮރިން އެފެއަރޒް އަހުމަދު ޚަލީލު އާއި ފޮރިން ސެކްރެޓަރީ އަބްދުލްޣަފޫރު މުހައްމަދުގެ އިތުރުން ޗީފް އޮފް ޑިފެންސް ފޯސް މޭޖަރ ޖެނެރަލް ޝަމާލްވެސް ބައިވެރިވެވަޑައިގެންނެވިއެވެ.