ހުޅުމާލޭގައި 7 ބުރީގެ އޮފީސް ޢިމާރާތެއް ހެދުމަށް ބަޔަކާ ޙަވާލުކޮށްފިއެވެ.
ހުޅުމާލޭގައި އައު އޮފީސް ޢިމާރާތެއް ހަަދަން ޙަވާލުކޮށްފައިވަނީ ވެސްޓޯރ ނަމަކަށް ކިޔާ އަމިއްލަ ކުންފުންޏަކާއެވެ. އެޗް.ޑީ.ސީގައި ބޭއްވި ރަސްމިއްޔާތެއްގައި އެކަމުގެ އެއްބަސްވުމުގައި އެޗް.ޑީ.ސީގެ ފަރާތުން ސޮއިކުރައްވާފައިވަނީ މެނޭޖިންގ ޑިރެކްޓަރ ސުހައިލް އަޙްމަދެވެ. އަދި ވެސްޓޯރގެ ފަރާތުން ސޮއިކުރައްވާފައިވަނީ އެކުންފުނީގެ މެނޭޖިންގ ޑިރެކްޓަރ އަޙްމަދު ސަޢީދެވެ.
އެޗް.ޑީ.ސީން ވިދާޅުވީ، ހުޅުމާލޭގައި އަލަށް ހަދާ މި އޮފީސް އިމާރާތް ތަރައްޤީކުރުމަށް ހަމަޖެހިފައިވަނީ ހުޅުމާލޭ ޕްލޮޓް ނަންބަރު N2-31a ގައިކަމަށެވެ. އެއީ ފޭސް އެކެއްގެ ސެންޓްރަލް ޕާކު ކައިރިއެވެ. 7 ބުރިއަށް ހަދާ މި އިމާރާތް އެޅުމަށް 3664.79 އަކަފޫޓުގެ ސަރަޙައްދެއް ކަނޑައަޅާފައިވެއެވެ. މިމަސައްކަތް އެކުންފުންޏާ ޙަވާލުކޮށްފައިވަނީ 2 އަހަރުދުވަހުގެ ތެރޭގައި ނިންމާ ގޮތަށެވެ.
HDC signs an agreement with Westore to develop and operate an office building in Hulhumalé.
— HDC (@hdcmaldives) March 23, 2021
The agreement was signed by our Managing Director Mr. Suhail Ahmed and the Managing Director of Westore, Mr. Ahmed Saeed. pic.twitter.com/bvpt6MmMtt
ހުޅުމާލޭގައި 7 ބުރީގެ އޮފީސް އިމާރާތެއް އެޅުމަށް ވެސްޓޯރއާއި ޙަވާލުކޮށްފައިވާއިރު، ފުރަތަމަ ފިޔަވަހީގައި 5 ބުރީގެ އޮފީސް އިމާރާތެއް އެޅުމަށް މިދިޔަ ޑިސެމްބަރުމަހު އެޗް.ޑީ.ސީން ވަނީ ރެއިންބޯ ކޮންސްޓްރަކްޝަނާ ޙަވާލުކޮށްފައެވެ. "މިކްސް އޮފީސް ބިލްޑިންގ" ދަށުން 5 ބުރިއަށް ހަދާ މި އޮފީސް ޢިމާރާތުގައި އޮފީސް ސްޕޭސްގެ އިތުރުން، ގްރައުންޑް ފްލޯގައި ކޮމާޝަލް ސްޕޭސް އަދި ޕާކިންގއަށްވެސް ޖާގަ ކަނޑައަޅާފައިވާނެކަމަށް އެޗް.ޑީ.ސީން ވިދާޅުވެއެވެ.