ރަށްރަށުން ބާޒާރަށް ކުރުނބާ ލިބޭ މިންވަރު މަދުވެ، ބާޒާރުގައި ކުރުނބާގެ އަގު އުފުލިއްޖެއެވެ.
ރޯދަމަސް ފެށިގެން އައި އިރު ބާޒާރުގައި ގިނަ އަދަދަކަށް ކުރުނބާ ލިބެން ހުއްޓެވެ.
ރޯދަމަށް ދެބައިވުމާއި ގާތްވެފައިވާއިރު ދަތުރުވެރިންގެ މާރުކެޓުން ކުރުނބާ ލިބެން މިހާރު ހުރީ މަދު ތަނަކުންނެވެ.
މާރުކެޓުގައި ކުރިން 20ރ އަށް 25ރ އަށް ލިބެން ހުރި ކުރުނބަލުގެ އަގު މިހާރުވަނީ 35ރ އަށް 40ރ އަށް އަގު އުފުލިފައެވެ. އަދި ސައިޒުން ބޮޑެތި ކުރުނބާގެ އަގު ވަނީ 70ރ އަށް އުފުލިފައެވެ.
މާރުކެޓުގައި ތަކެތި ވިއްކާ ފަރާތްތަކުން ބުނާ ގޮތުގައި ރަށްރަށުން އަންނަ ދޯނިތަކުން ކުރުނބާ މިހާރު ލިބެނީ ވަރަށް މަދުން ކަމަށެވެ. އަދި ދޮން ކުރުނބާ ލިބުން ވަރަށް ބޮޑަށް ދަތިވެފައިވާ ކަމަށްވެސް ކުރުނބާ ވިއްކާ ފަރާތްތަކުން ބުނެއެވެ.
ބާޒާރަށް އެންމެ ގިނަ އަދަދަކަށް ކުރުނބާ ގެންނަނީ ލާމު އަތޮޅުންނާއި ގދ.އަތޮޅުންނެވެ.