ކޯވިޑް ބަލީގައި ރާއްޖެއިން ނިޔާވި މީހެއްގެ ޖަނާޒާގެ ތެރެއިން - ފޮޓޯ: ޢަލީ ނަސީރު / ޕީ.އެސް.އެމް ނިއުސް
ކޯވިޑް-19އަށް ފަރުވާ ހޯދަމުންދިޔަ 86 އަހަރުގެ ދިވެއްސަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ އެޗްޕީއޭއިން ވިދާޅުވީ ނިޔާވީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ ދިވެހި ފިރިހެނެއްކަމަށެވެ. އޭނާ ނިޔާވީ ރޭ 12:19 ހާއިރުއެވެ.
މިއީ ރާއްޖެއިން މިބަލީގައި މަރުވި 186 ވަނަ މީހާއެވެ. މީގެތެރޭގައި ހިމެނެނީ 169 ދިވެހިންނާއި 17 ބިދޭސީންނެވެ.
ކޯވިޑް-19ގައި ރާއްޖޭގެ ޙާލަތު އެންމެ ގޯސްވީ މިދިޔަ މަހުއެވެ. މިބަލީގައި މިދިޔަ މަހު 80 އަށްވުރެ ގިނަ މީހުން ވަނީ ނިޔާވެފައެވެ.
އިއްޔެވެސް ރާއްޖެއިން ކޯވިޑް ޖެހިގެން ފަރުވާ ދެމުންދިޔަ 3 މީހަކު ވަނީ ނިޔާވެފައެވެ. އިއްޔެ ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ އުމުރުން 93 އަހަރުގެ ފިރިހެނަކާއި 82 އަހަރުގެ ދިވެހި އަންހެނަކާއި 41 އަހަރުގެ ދިވެހި އަންހެނެކެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ