އޯޒޯން ލައިފް މާދޫ ރިސޯޓްގައި އަލިފާނުގެ ހާދިސާއެއް ހިނގައި 4 މީހަކު ފިހިގެން މާލެ ގެނެސް ފަރުވާ ދެމުންދާކަމަށް އެމްއެންޑީއެފްއިން ވިދާޅުވެއްޖެއެވެ.
އެމްއެންޑީއެފްއިން ވިދާޅުވީ މިހާދިސާ ހިނގާފައިވަނީ އެރިސޯޓުގައި ހުރި ޕެޓްރޯލް ފީފާއެއްގައި އަލިފާން ރޯވެގެންކަމަށެވެ. މިހާދިސާގަައި 4 މީހަކަށް އަނިޔާވިއިރު، ހާދިސާ ހިނގިތާ ގިނަ އިރުތަކެއްނުވެ ރިސޯޓުގެ މުވައްޒަފުން އަލިފާންގަނޑު ކޮންޓްރޯލްކޮށްފައިވާކަމަށްވެސް އެމްއެންޑީއެފުން ވިދާޅުވެއެވެ.
އެމްއެންޑީއެފް އިން ވިދާޅުވީ މި ހާދިސާގައި އަނިޔާވެގެން 4 މީހަކު މާލެ ގެނެސް ފަރުވާދެމުންދާއިރު އަނިޔާވި މީހުންގެ ތެރޭގައި ހިމެނެނީ އެފްއެސްއެމްގައި މަސައްކަތްކުރާ ދިވެއްސަކާއި ރިސޯޓުގައި މަސައްކަތްކުރާ 3 ބިދޭސީން ކަމަށެވެ.
މިހާދިސާގެ ރިޕޯޓް ލިބިފައި ވަނީ މިރޭ 19:13ގައި ކަމަށާއި އަދި މި ހާދިސާގެ ތަފްސީލް ރިސޯޓުގެ ފަރާތުން ފުލުހުންނާއި ހިއްސާކޮށްފައިވާކަމަށްވެސް އެމްއެންޑީއެފުން ވިދާޅުވެއެވެ