ޖަރުމަނު ބުންޑަސްލީގާގައި އެންމެފަހު ޗެމްޕިއަން ބަޔާން މިއުނިކް މޮޅުވެ ލީގުގެ ދެވަނައަށް ކުރިޔަށް ޖެހިލައިފިއެވެ. ރަށުން ބޭރުގައި ބަޔާން މޮޅުވީ ލީޕްޒިގް އަތުން 4-1 ލަނޑުންނެވެ.
ލީޕްޒިގްގެ ހަމައެކަނި ލަނޑު އެޓީމަށް ކާމިޔާބުކޮށްދިނީ ލައިމާއެވެ. ބަޔާން ލަނޑުތައް ކާމިޔާބުކޮށްދިނީ ލެވެންޑޮސްކީ، މުސިއާލާގެ އިތުރުން ސާނޭ އަދި ޗައުޕޯ މޯޓިންގްއެވެ. އެންމެފަހުން ލީގުގައި ކުޅުނު ހަތަރު މެޗުގައި ބަޔާންގެ ލެވެންޑޮސްކީ ވަނީ 6 ލަނޑު ކާމިޔާބުކޮށްފައެވެ. ބަޔާން މިއުނިކް ތާވަލުގެ ދެވަނައިގަ އޮތީ އެއްވަނައިގަ އޮތް ވުލްވްސްފްބާގަށް ވުރެ ދެ ޕޮއިންޓް މަދުން ހޯދައިގެންނެވެ.
ރޭގެ ވުލްފްބާގް ވަނީ އެޓީމު ކުޅުނު މެޗު ކާމިޔާބުކޮށް ލީގުގެ މެޗުތަކުން މޮޅުވުމުގެ 100ފަސަންޓް ރެކޯޑް ދަމަހައްޓާފައެވެ. ލީގުގައި ކުޅުނު ފުރަތަމަ ހަތަރު މެޗުގެ ތެރެއިން ލީޕްޒިގް ވަނީ ތިން މެޗުން ބަލވެ ލީގުގެ 13ވަނައަށް ވެއްޓިފައެވެ. އެޓީމު މި ސީޒަނުގައި މޮޅުވީ އެންމެ މެޗަކުންނެވެ.