ހަތަރު އަހަރުދުވަހުގެ ތެރޭގައި ރާއްޖެއަށް، 60 ސްކޮލާޝިޕް ދިނުމަށް ހަންގޭރީގެ ސަރުކާރުން ނިންމައިފިއެވެ.
މިކަމުގެ އެއްބަސްވުމުގައި ރާއްޖޭގެ ހަޔރ އެޑިއުކޭޝަން މިނިސްޓްރީއާއެކު އެޤައުމުގެ މިނިސްޓްރީ އޮފް ފޮރިން އެފެއަރޒް އެންޑް ޓްރޭޑްގެ ސްޓޭޓުން ވަނީ ސޮއިކުރައްވާފައެވެ. މި އެއްބަސްވުމުގައި ރާއްޖޭގެ ހަޔަރ އެޑިއުކޭޝަން މިނިސްޓްރީން ސޮއިކުރެއްވީ މިނިސްޓަރ ޑރ.އިބްރާހީމް ހަސަނެވެ. އަދި ހެންގޭރީ ސަރުކާރުގެ ފަރާތުން ސޮއިކުރެއްވީ އެޤައުމުގެ މިނިސްޓްރީ އޮފް ފޮރިން އެފެއަރޒް އެންޑް ޓްރޭޑްގެ ސްޓޭޓް ސެކެޓްރީއެވެ.
މި އަހަރަށް ކަނޑައަޅާފައިވާ ސްކޮލާޝިޕްތަކަށް މިމަހުގެ ފަހުކޮޅު ހުޅުވާލާނެކަމަށް މިނިސްޓްރީން ވިދާޅުވެއެވެ.
ހަޔަރ އެޑިއުކޭޝަން މިނިސްޓްރީން ވިދާޅުވީ މިއީ ދެ ޤައުމުގެ ދެމެދުގައި އޮތް އެކުވެރިކަމުގެ ގުޅުން ބަދަހިކޮށް، މަތީ ތައުލީމާ ބެހޭ ކަންކަމުގައި ގުޅިގެން މަސައްކަތް ކުރުމާއި ތައުލީމީ މުޖުތަމައެއް ބިނާކުރުމަށް މަސައްކަތް ކުރަން އެއްބަސްވި އެއްބަސްވުމެއްކަމަށެވެ.
Today, Hungary & Maldives signed an MoU that will provide 15 scholarships annually for 4 years. The MoU was signed by Minister of Higher Education Dr Ibrahim Hassan and State Secretary of Ministry of Foreign Affairs and Trade of Hungary Dr Orsolya Pacsay-Tomassich pic.twitter.com/UeH84cYwlE
— Ministry of Higher Education (@MoHEmv) November 8, 2021
މި އެމްއޯޔޫގެ ދަށުން ހަތަރު އަހަރު ވަންދެން ކޮންމެ އަހަރަކު ވެސް 15 ސްކޮލާޝިޕް ހަންގޭރިން ރާއްޖެއަށް ދިނުމަށް ވަނީ އެއްބަސްވެފައެވެ. މީގެ ތެރޭގައި ހިމެނެނީ ފުރަތަމަ ޑިގްރީގެ 6 ފުރުސަތަކާއި މާސްޓާސް ޑިގްރީގެ 7 ފުރުސަތާއި ޕީއެޗްޑީގެ 2 ފުރުސަތެވެ. މި ސްކޮލަރޝިޕްތަކުގެ ތެރޭގައި އެގްރިކަލްޗާ ސައިންސް، އާޓްސް އެންޑް ހިއުމެނިޓީޒް، ސޯޝަލް ސައިންސް، ޓީޗިން ޓްރެއިނިން އާއި ސްޕޯޓް ސައިންސް އަދި ނޭޗަރަލް ސައިންސް ފަދަ ދާއިރާތަކުން ކޯސްތަކެވެ.
ހަޔރ އެޑިއުކޭޝަނުން ވިދާޅުވީ މި ސްކޮލާޝިޕްތަކަށް ހޮވޭ ދަރިވަރުންގެ ދެކޮޅު ޓިކެޓް ފިޔަވައި ހުރިހާ ހަރަދެއް ހަމަޖައްސާނީ ހަންގޭރީގެ ސަރުކާރުންނކަމަށެވެ. އެ ދަރިވަރުންނަށް ދެކޮޅު ޓިކެޓް ދޭނީ ދިވެހި ސަރުކާރުންނެވެ.