މިލްވައުކީ ބަކްސް އަތުން ޑެންވާ ނަގެޓްސްއަށް މޮޅެއް

އެންބީއޭ ބާސްކެޓްބޯޅަ މުބާރާތުގައި މިލްވައުކީ ބަކްސްއާ ދެކޮޅަށް ކުޅުނު މެޗު ޑެންވާ ނަގެޓްސްއިން ކާމިޔާބުކޮށްފިއެވެ.

މިމެޗް ނަގެޓްސް ކާމިޔާބުކޮށްފައިވަނީ 129 ޕޮއިންޓް 106 ޕޮއިންޓުންނެވެ.

ދެޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ނަގެޓްސްެގެ ނިކޮލާ ޔޮކިޗްވަނީ 31 ޕޮއިންޓް ހޯދާދީ 6 ރީބައުންޑް ނަގާދީ 11 އެސިސްޓް ކޮށްފައެވެ. އަދި ބަްސްގެ ޖިއާނިސް އެންޓެޓޮކޮއުމްޕޯވަނީ 31 ޕޮއިންޓް ހޯދާދީ 9 ރީބައުންޑް ނަގާދީ 4 އެސިސްޓް ކޮށްފައެވެ.

މިމުބާރާތުގައި ބްރޫކްލިން ނެޓްސް އާއި މައޭމީ ހީޓް ބައްދަލުކުރިމެޗް 129 ޕޮއިންޓް 100 ޕޮއިންޓުން ކާމިޔާބުކުރީ ނެޓްސްއެވެ. މިމެޗްގައި ނެޓްސްގެ މިކާލް ބްރިޖެސްވަނީ 27 ޕޮއިންޓް ހޯދާދީ 3 ރިބައުންޑް ނަގާދީ 7 އެސިސްޓް ކޮށްފައެވެ. އަދި ހީޓްއަށް އެންމެ ރަނގަޅު ކުޅުމެއް ދައްކާދިނީ 23 ޕޮއިންޓް ހޯދާދީ 5 ރީބައުންޑް ނަގާދީ 2 އެސިސްޓް ދިން މެކްސް ސްޓްރަސްއެވެ.

މީގެއިތުރުން އެޓްލާންޓާ ހޯކްސް އާއި އިންޑިއާނާ ޕޭސަރސް ބައްދަލުކުރިމެޗް 143 ޕޮއިންޓް 130 ޕޮއިންޓުން ކާމިޔާބުކުރީ ހޯކްސްއެވެ. މިމެޗްގައި ހޯކްސްގެ ކްލިންޓް ކަޕޭލާ ވަނީ 17 ޕޮއިންޓް ހޯދާދީ 17 ރީބައުންޑް ނަގާދީ 2 އެސިސްޓް ކޮށްފައެވެ. އަދި ޕޭސަރސްއަށް އެންމެ ރަނގަޅު ކުޅުމެއް ދައްކަދިނީ 33 ޕޮއިންޓް ހޯދާދީ 6 ރީބައުންޑް ނަގާދީ އެއް އެސިސްޓް ދިން ޖޯދަން އެންވޯރާއެވެ.