އިމިގްރޭޝަނަށް ދިމާވި މައްސަލަ ހައްލުކޮށް، ޚިދުމަތް ދޭން ފަށައިފި

ވެލާނާ އިންޓަރނޭޝަނަލް އެއަރޕޯޓްގެ އިމިގްރޭޝަން ޕްރޮސެސިންއަށް ދިމާވި ޓެކްނިކަލް މައްސަލަ ހައްލުކޮށް އަލުން އެ ޚިދުމަތް ދޭން ފަށައިފިއެވެ.

އިމިގްރޭޝަން ޕްރޮސެސިންއަށް މައްސަލައެއް ކުރިމަތިވީ މިއަދު މެންދުރު 11:30 ޖަހާކަންހާއިރެވެ. މި މައްސަލައިގެ ސަބަބުން މަސައްކަތްތަކަށް ވަގުތު ނަގައި ކިޔުތައް ދިގުވެދާނެކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމް.އޭ.ސީ.އެލްއިން ލަފާކުރިއެވެ. ނަމަވެސް 2 ގަޑިއިރެއްހާއިރުތެރޭގައި މި މައްސަލަވަނީ ހައްލުކޮށްފައެވެ. އަދި ކުރިންވެސް ޚިދުމަތް ދެމުން އައި ގޮތަށް ޚިދުމަތް ދެމުން އަންނަކަމަށް ވެލާނާ އިންޓަރނޭޝަނަލް އެއަރޕޯޓުން ބުނެއެވެ.

The immigration counter issue @VelanaAirport has been resolved. Thank you for your patience. https://t.co/vkWmvSHCkn

— Maldives Airports Company Ltd - MACL (@MACLmedia) November 4, 2023

މިފަދަ މައްސަލަތައް ކުރިމަތިވުމުން ވިސާ މެނުއަލްކޮށް ޕްރޮސެސްކުރާނެ ގަވާއިދެއް އިމިގްރޭޝަނުން ކަނޑައަޅާފައި ވެއެވެ. އެހެންކަމުން އެ ވަގުތު އިމިގްރޭޝަން ޕްރޮސެސްގެ މަސައްކަތްތައް ކުރިއަށް ގެންދިޔައީ މެނުއަލްކޮށެވެ.