ގދ. ފިޔޯރީން ގެއްލިގެން ހޯދަމުންދިޔަ ކުޑަ އަންހެން ކުއްޖާ ފެނިއްޖެއެވެ.
ފުލުހުން ވިދާޅުވީ ގެއްލިގެން ހޯދަމުންދިޔަ އުމުރުން 8 އަހަރުގެ ކުދާ ކުއްޖާ މިހާރު ފެނިފައިވާ ކަމަށެވެ. ނަމަވެސް އިތުރު ތަފްޞީލް ފުލުހުން ހާމަކުރައްވާފައިނުވެއެވެ.
އެ ކުއްޖާ ގެއްލިގެން ފުލުހުންނަށް ރިޕޯޓްކޮށްފައިވަނީ މިރޭ 07:08 ހާއިރުއެވެ. ކުއްޖާ އެންމެ ފަހުން ފެނިފައިވަނީ އޭނާ ދިރިއުޅޭ ގެއިން، ހަވީރު 17:00 ހާއިރުކަމަށް އާއިލާއާ ހަވާލާދީ ފުލުހުން ކުރިން ވަނީ ވިދާޅުވެފައެވެ.
ޕީއެސްއެމް ނިއުސްއަށް މަޢުލޫމާތު ލިބިފައިވާ ގޮތުގައި އެކުއްޖާ ފެނުނުއިރު ވަނީ ހޭނެތިފައެވެ. އެހެންނަމަވެސް މިހާރު ހާލު ރަނގަޅުކަމަށް މަޢުލޫމާތު ލިބެއެވެ. އަދި ކުއްޖާ ފެނުނީ، އެކުއްޖާ ދިރިއުޅޭ ގެއާ ކައިރި ހިސާބަކުންކަމަށް ވަނީ މަޢުލޫމާތުލިބިފައެވެ.
ކުއްޖާ މިވަގުތު ހުރީ ފުލުހުންގެ ބެލުމުގެ ދަށުގައިކަމަށް ރަށުކައުންސިލުން ވިދާޅުވިއެވެ.