ހުޅުމާލޭ ފަޅުތެރޭން ޚަބަރު ހުސްވެފައި އޮތްވާ ފެނުނު މީހާގެ ހަށިގަނޑު ޢާއިލާއާ ހަވާލުކޮށްފި

ހުޅުމާލެ ފަޔަރަ ސްޓޭޝަނާ ދިމާ ފަޅު ތެރޭން ޚަބަރު ހުސްވެފައި އޮތްވާ އިއްޔެ ފެނުނު މީހާގެ ހަށިގަނޑު ޢާއިލާއާ ހަވާލުކޮށްފައިވާކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ޚަބަރު ހުސްވެފައި އޮތްވާ ފެނުނީ މ.މަޑުއްވަރީ ކޮކޮނަޓްވިލާ އުމުރުން 36 އަހަރުގެ އިބްރާހިމް ޖިނާޙު މުޙައްމަދެވެ. އޭނާ ހޮސްޕިޓަލަށް ގެންދިޔައިރުވެސް ނިޔާވެފައިކަން ހޮސްޕިޓަލާ ހަވާލާދީ ފުލުހުން ވަނީ ހާމަކުރައްވާފައެވެ.

ފުލުހުންގެ ޚިދުމަތުން މިއަދު ވިދާޅުވީ މިމައްސަލައާ ގުޅިގެން ތަޙުޤީޤުގެ ތެރޭން ބަލަންޖެހޭ ކަންކަން ބެލުމަށްފަހު ރޭގެ ވަގުތެއްގައި ޖިނާހްގެ ހަށިގަނޑު ޢާއިލާއާ ހަވާލުކޮށްފައިވާ ކަމަށެވެ. އަދި މިކަން ތަޙުޤީޤުކުރަމުންދާކަމަށްވެސް ފުލުހުން ވިދާޅުވިއެވެ.

މިއަދުވެސް ޚަބަރު ހުސްވެފައި އޮތް މީހަކު މާލޭގެ ގެއެއްގެ ތެރޭން ވަނީ ފެނިފައެވެ. އެމީހާވެސް ހޮސްޕިޓަލަށް ގެންދިޔައިރުވަނީ ނިޔާވެފައެވެ.