ތިމާވެއްޓާއި ރައްޓެހި އަދި ދެމެހެއްޓެނިވި ގޮތެއްގައި ފަތުރުވެރިކަން ކުރާ ފަރާތްތަކަށްދޭ ޓްރެވަލް ލައިފް ގޯލްޑް ސެޓްފިކެޓް ކޮކޯ ޕާމް ބޮޑު ހިތި ރިސޯޓަށް ލިބިއްޖެއެވެ.
މި ސެޓްފިކެޓަކީ، ޓްރެވަލް ލައިފުން ކަނޑައަޅާ 150 ކްރައިޓީރިއާއެއް ފުރިހަމަ ކުރުމުން ލިބޭ ސެޓްފިކެޓެކެވެ. ޓްރެވަލް ލައިފުން ކަނޑައަޅާ ކްރައިޓީރިއާތަކުގެ ތެރޭގައި ތިމާވެށި ހިމާޔަތްކުރުމަށްޓަކައި ކުނި ހަރުދަނާ ގޮތެއްގައި މެނޭޖްކުރުމާއި، ކަރަންޓް ޚަރަދު ކުޑަކުރުމާއި، މުޖްތަމަޢާ ގުޅިގެން މަސައްކަތް ކުރުމާއި މުވައްޒަފުންގެ ލާބަޔަށް މަސައްކަތްކުރުން ހިމެނެއެވެ.
img:http://s4.psmnews.mv/images/660x400/14715904056337.jpg|ކޮކޯޕާމް ބޮޑު ހިތި ރިސޯޓްގެ އައިލެންޑް ވިލާއެއް / ފޮޓޯ: ކޮކޯ ޕާމް
ކޮކޯ ޕާމު ބޮޑު ހިތި ރިސޯޓާއި ގުޅޭގޮތުން ޓްރެވަލް ލައިފުން ފާހަގަކޮށްފައިވާ ކަންތައްތަކުގެ ތެރޭގައި، ރިސޯޓްގައި އުފެދޭ ކުނި މަދުކޮށް، ކަރަންޓް އަދި ފެނުގެ ޙަރަދުތައް ކުޑަ ކުރުމަށްޓަކައި އެ ރިސޯޓުން ކުރަމުން އަންނަ މަސައްކަތް ފާހަގަކޮށްފައިވެއެވެ. އަދި މޫދުގެ ދިރުންތައް ހިމާޔަތްކުރުމަށްޓަކައި އެ ރިސޯޓުގެ މެރިން ބަޔޮލޮޖީ ޓީމުން ކުރައްވާ މަސައްކަތްތައް ޓްރެވަލް ލައިފުން ވަނީ ފާހަގަކޮށްފައެވެ.