"ފައިދާހުރި ކާނާ ބޭނުންކުރުމާއެކު، އިސްރާފު ކުޑަކުރުން މުހިންމު"

ދެމެހެއްޓެނިވި ގޮތެއްގައި ކާބޯތަކެތީގެ އުސޫލުތައް ހިންގުމާއި، އިސްރާފު ކުޑަކުރުމަށް ރައީސުލްޖުމްހޫރިއްޔާގެ އނަބިކަނބަލުން ސާޖިދާ މުޙައްމަދު ގޮވާލައްވައިފިއެވެ.

ކާބޯތަކެތީގެ ރައްކާތެރިކަން ހަރުދަނާ ކުރުމަށްޓަކައި ދެމެހެއްޓެނިވި ގޮތެއްގައި ކާބޯތަކެތީގެ އުސޫލުތައް ގެންގުޅުމަށާއި ޒިންމާދާރު ގޮތެއްގައި ކާބޯތަކެތީގެ އިޚްތިޔާރު ކުރުމަށް ރައީސުލްޖުމްހޫރިއްޔާގެ އނަބިކަނބަލުން ސާޖިދާ މުޙައްމަދު ވަނީ ވަކިވަކި ފަރުދުންނާއި މުޖުތަމައުތަކަށް ގޮވާލައްވާފައެވެ.

ދުނިޔޭގެ ކާބޯތަކެތީގެ ދުވަސް ފާހަގަކުރުމަށް ފޮނުއްވި މެސެޖެއްގައި ފަސްޓް ލޭޑީ އަލިއަޅުވާލެއްވީ ކާބޯތަކެތީގެ ރައްކާތެރިކަމަކީ ހަމައެކަނި ކާބޯތަކެތި އުފެއްދުމެއް ނޫން ކަމަށާއި ކޮންމެ އާއިލާއަކަށް ވެސް ހަށިގަނޑަށް ފައިދާހުރި ބާވަތްތައް އެކުލެވޭ ކާނާ ލިބޭނެ ގޮތް ހެދުން ކަމަށެވެ.

ގޭގައި އަދި މުޖުތަމައުތަކުގެ ތެރޭގައި ކެއިންބުއިމަށް ގެންގުޅޭ ކުދިކުދި އާދަތަކުން މާނަހުރި ތަފާތެއް އަންނާނެކަން ފާހަގަކުރައްވައި، ދިވެހި އުފެއްދުންތަކަށް އެހީތެރިވުމާއި، ފައިދާހުރި ކާނާއަށް އިސްކަންދިނުމާއި، ކާބޯތަކެތި އިސްރާފުކުރުން މަދުކުރުމަށް އެކަމަނާ އެދިލެއްވިއެވެ.

On this World Food Day, we are reminded that food security is not merely about production but also ensuring that every family has access to nutritious food. Let's remember that every mindful choice we make at home and in our communities is a chance to innovate today and nourish tomorrow.

Embracing sustainable food practices, supporting local produce, choosing nutritious food, and reducing food waste are small but meaningful actions that collectively make a difference.

Innovation need not always involve sophisticated technology. Together, let us protect our planet and ensure food security for everyone.
#WorldFoodDay

— First Lady Sajidha Mohamed (@sajidhaamohamed) October 16, 2026

އަދި އެންމެންނަށް ކާބޯތަކެތީގެ ރައްކާތެރިކަން ކަށަވަރުކުރުމަށް ޖަމާޢަތުގައި ކުރާ މަސައްކަތްތަކަށް ވަނީ ހިތްވަރުދެއްވާފައެވެ. މިއީ ފަރުދީގޮތުންވެސް ކުރެވޭނެކަމެއްކަމަށާއި، ޒަމަނީ ޓެކްނޮލޮޖީ ނެތަސް، ފަރުދީގޮތުންވެސް މިކަމަށް އިސްކަންދިނުން މުހިންމުކަމުގައި ވިދާޅުވިއެވެ.