"އަރްވަކާ ޓްރެވެލް މޯލްޑިވްސް" މަޖައްލާ ރަސްމީކޮށް އިފްތިތާހްކޮށްފިއެވެ. މި މަޖައްލާއަކީ ރާއްޖޭގެ ފަތުރުވެރިކަމާއިގުޅޭ ތަފާތު ޚިދުމަތްތަކާއި އެދާއިރާގެ މަޢުލޫމާތުތަކަށް ޙާއްޞަކޮށްގެން ނެރުނު މަޖައްލާއެކެވެ.
މަޖައްލާ ރަސްމީކޮށް ނެރުމުގެ ޙަފްލާގައި ވާހަކަދައްކަވަމުން އަރްވަކާގެ ޓެކްނިކަލް ޑައިރެކްޓަރ މުޙައްމަދު ރިޔާޒް ވިދާޅުވީ، މި މަޖައްލާގައި ހުރި ރާއްޖޭގެ ރީތި ހިތްގައިމު މަންޒަރުތަކުގެ ސަބަބުން ރާއްޖެއަށް އައުމުގެ ކުރިން ރާއްޖެ ތަޖްރިބާކޮށްލުމުގެ ފުރުޞަތު ލިބިގެންދާނެކަމަށެވެ.
"އަރްވަކާ ޓްރެވެލް މޯލްޑިވްސް" މަޖައްލާ ބޭނުންވާ ފަރާތްތަކަށް އޮންލައިންކޮށް އަދި ޕްރިންޓެޑް ކޮޕީވެސް ލިބެން ހުންނާނެކަމަށް އަރްވާކާއިން ބުނެއެވެ. މި މަޖައްލާ ޕްރޮމޯޓްކުރުމުގެ ގޮތުން ކުރިއަށްއޮތް ދެމަހެއްހާ ދުވަހުގެ ތެރޭގައި އަބޫދާބީ އިންޓަނޭޝަނަލް އެއަރޕޯޓާއި ދުބާއީ އިންޓަނޭޝަނަލް އެއަރޕޯޓާއި ޝާރުޖާ އިންޓަނޭޝަނަލް އެއަރޕޯޓްގެ އިތުރުން ލަންޑަންގެ ހީތްރޯ އެއަރޕޯޓްގައިވެސް މެގަޒިންގެ ކޮޕީތައް ބަހައްޓާނެކަމަށް އަރްވާކާއިން މައުލޫމާތުދެއެވެ.
"އަރްވަކާ ޓްރެވެލް މޯލްޑިވްސް" 2018 މަޖައްލާ ޕްރޮމޯޓްކުރުމަށް ޕަބްލިކް ޝަރވިސް މީޑިއާގެ މޯލްޑިވްސް ޓީވީއާއި ވަނީ ހަވާލުކޮށްފައެވެ. މިކަމުގެ އެއްބަސްވުމުގައި 2 ކުންފުނީގެ ފަރާތުން މިހާރުވަނީ އެއްބަސްވުމުގައި ސޮއިކޮށްފައެވެ.