ފަތުރުވެރިކަމުގެ ދާއިރާއަށް އަލަށް ވަންނަ ފަރާތްތަކަށް އަމާޒުކޮށްގެން ދޭ "ނިއު ކަމަރ އޮފް ދަ އިޔަރ" ގެ އެވޯޑް ރާއްޖޭގެ ރިސޯޓަކަށް ލިބިއްޖެއެވެ. ހައިޑްވޭސް މެގަޒިންގެ އަހަރީ އެވޯޑް ރަސްމިއްޔާތުގައި "ނިއު ކަމަރ އޮފް ދަ އިޔަރ" ގެ އެވޯޑް ލިބުނީ ވައްކަރު މޯލްޑިވްސްއަށެވެ.
މި އެވޯޑް ޙަފްލާބާއްވާފައިވަނީ ފަތުރުވެރިކަމުގެ ދާއިރާގެ އެންމެ ބޮޑު އެއް ފެއަރ ކަމަށްވާ އައިޓީބީ ފެއަރގެ ތެރެއިންނެވެ. އައިޓީބީ ފެއަރ ބޭއްވީ މިމަހު ކުރީކޮޅު ޖަރުމަނުވިލާތުގެ ބަރލިންގައެވެ.
ވައްކަރު މޯލްޑިވްސް ރިސޯޓަށް "ނިއު ކަމަރ އޮފް ދަ އިޔަރ" ގެ އެވޯޑް ލިބުނީ އެ ރިސޯޓް ހުޅުވިތާ ކުޑަދުވަސްކޮޅެއްގެ ތެރޭގައެވެ. އެ ރިސޯޓަށް ޒިޔާރަތްކުރި ފުރަތަމަ ފަތުރުވެރިންގެ ގުރޫޕަށް މަރުޙަބާ ކިޔާފައިވަނީ މިދިޔަ ޑިސެމްބަރ މަހުގެ ތެރޭގައެވެ. ވައްކަރު މޯލްޑިވްސް ރިސޯޓް އޮންނަނީ ބ.އަތޮޅު ޔުނެސްކޯ ބައޮސްފިއަރ ރިސާޒް ސަރަހައްދުގައެވެ.