ސައުތު އޭޝިޔާ ސަރަހައްދުގެ އެންމެ ރަނގަޅު ބީޗް ރިސޯޓް އަދި ބެސްޓް ސްޕާ ރިސޯޓްގެ އެވޯޑް ކަނުހުރާ މޯލްޑިވްސް ހޯދައިފިއެވެ.
ކަނުހުރާ މި 2 އެވޯޑް ހޯދާފައިވަނީ ސިންގަޕޫރުގައި ބޭއްވި އޭޝިއަން ލައިފްސްޓައިލް ޓޫރިޒަމް އެވޯޑްސް ހަފްލާގައެވެ. މިއެވޯޑާއިއެކު އިންޑިއާގެ ބެންގަލޫރުގައި 2020 ވަނަ އަހަރު އޮންނަ އޭޝިޔާ ޕެސިފިކް ޓޫރިޒަމް ފެއަރގައި ބައިވެރިވުމުގެ ފުރުސަތު ކަނުހުރާއަށް ވަނީ ލިބިފައެވެ.
ޅ.އަތޮޅުގައި އޮންނަ ކަނުހުރާ ރިސޯޓްގައި 80 ވިލާ ހުރެއެވެ. މި ރިސޯޓުން މައުލޫމާތުދޭ ގޮތުގައި އެ ރިސޯޓުން އަބަދުވެސް މަސައްކަތްކުރަނީ ރިސޯޓަށް ޒިޔާރަތްކުރާ ފަތުރުވެރިންނަށް ރާއްޖޭގެ ރީތިކަން ދައްކުވައިދޭފަދަ ޙިދުމަތެއްދިނުމަށެވެ.
ކަނުހުރާގެ ރިސޯޓްގެ ކޮކާ ސްޕާއަށް މީގެކުރިން ވަނީ ނޭޝަނަލް ޖިއޯގްރަފިކް ޓްރެވަލަރއިން ހޮވި ދުނިޔޭގެ އެންމެ ރަނގަޅު ސްޕާގެ އެވޯޑާއި ގުލޯބަލް ލަގްޒަރީ އައިލެންޑް ރިސޯޓް ސްޕާގެ އެވޯޑްވެސް ލިބިފައެވެ.