އދ. މަހިބަދޫގައި ޤާއިމްކޮށްފައިވާ އައިސް ޕްލާންޓުން ޚިދުމަތްދޭން ފަށައިފިއެވެ.
މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރއިން ބުނީ އދ. މަހިބަދޫގައި ޤާއިމްކޮށްފައިވަނީ 30 ޓަނުގެ އައިސް ޕްލާންޓެއްކަމަށެވެ. އަދި މިއަދު ފެށިގެން އެ ޕްލާންޓުން ޚިދުމަތްދޭން ފަށާފައިވާކަމަށް ފިޝަރީޒް މިނިސްޓްރީން ބުނެއެވެ.
މަހިބަދޫގައި ޤާއިމްކުރި އައިސް ޕްލާންޓަކީ، ފިޝަރީޒް އިންފްރާސްޓްރަކްޗަރ ޑިވެލޮޕްމަންޓް ޕްރޮގްރާމްގެ ދަށުން މަސްވެރިން ބާނާ މަސް، ތަޒާކަންމަތީ ބެހެއްޓުމަށް ރާއްޖޭގެ އެކި ކަންކޮޅުތަކުގައި އައިސް ޕްލާންޓް ޤާއިމްކުރުމުގެ މަޝްރޫޢުގެ ދަށުން ޤާއިމްކުރި ޕްލާންޓެކެވެ.
މަހިބަދޫގައި އައިސް ޕްލާންޓް ބަހައްޓާ ޚިދުމަތް ފެށުމުން، ރާއްޖޭގެ ހުރިހާ އަތޮޅަކުން މިހާރު މަސްވެރިން ބޭނުންވާ އައިސް ލިބޭނެކަމަށް ފިޝަރީޒް މިނިސްޓްރީން ބުނެއެވެ.