ބަންގްލަދޭޝްއާއި އިންޑިއާގެ ސަރަޙައްދީ އިމުގައި އަމަނުބަލަހައްޓަން ތިބި ބަންގްލަދޭޝްގެ ސިފައިން އިންޑިއާގެ ބޯޑަރ ގާޑެއް މަރާލައި އިތުރު އެކަކު ޒަޚަމްކޮށްލައިފިއެވެ.
މި ހާދިޡާގެ ތެރެއިން ބަންގުލަދޭޝްގެ ސިފައިންވަނީ އިންޑިއާގެ މަސްވެރިއަކުވެސް ހައްޔަރުކޮށްފައެވެ. ބޯޑަރުގެ މިފަދަ މައްސަލަތަކަކީ ވަރަށް މަދުންނޫނީ ދެ ޤައުމުގެ ދޭތެރޭގައި ނުހިނގާކަމެކެވެ. އިންޑިއާގެ ބޯޑަރު ސިފައިން ބުނެފައިވަނީ ބަނގުލަދޭޝުން ހައްޔަރުކުރީ އިންޑިއާގެ ތިން މަސްވެރިންކަމަށެވެ. ނަމަވެސް އޭގެ ތެރެއިން ދެ މީހުން މިހާރު ދޫކޮށްލާފައިވާކަމަށެވެ.
އިންޑިއާއާއި ބަނގުލަދޭޝްއަކީ ވަރަށް ގާތްގުޅުމެއް އޮންނަ ދެ ޤައުމެވެ. މިމަހުގެ ތެރޭގައި ބަނގުލަދޭޝްގެ ބޮޑުވަޒީރު ޝޭޚް ޙަސީނާވަނީ އިންޑިއާގެ ނިއުދިއްލީއަށް ވަޑައިގެން، ދެ ޤައުމުގެ ދެމެދުގައި އެއްބަސްވުންތަކެއްގައި ސޮއިކުރައްވާފއެވެ.
އިންޑިއާއާއި ބަންގްލަދޭޝްއާ ދެމެދު 4000 ކިލޯމީޓަރުގެ ދިގު ސަރަޙައްދީ އިމެއްވޭ. ދެ ޤައުމުގެ ސަރަޙައްދީ ރޮނގުގައި ޢާއްމުކޮށް މައްސަލަޖެހެނީ ޤަވާޢިދާ ޚިލާފަށް މީހުން އެތެރެވާން އުޅުމުގެ ސަބަބުންނެވެ.