ސޯނިއާ ގާނދީ - ފޮޓޯ: ރޮއިޓާރސް
އިންޑިއާގެ އިދިކޮޅު ކޮންގްރެސް ޕާޓީގެ ރައީސް ސޯނިއާ ގާނދީގެ ހާލުދެރަވެ ވެރިރަށް ނިއުދިއްލީގެ ހޮސްޕިޓަލެއްގައި އެޑުމިޓުކޮށްގެން ފަރުވާދޭން ފަށައިފިއެވެ.
މަޢުލޫމާތު ލިބިފައިވާގޮތުގައި އުމުރުން 73 އަހަރުގެ ސޯނިއާއަށް ފަރުވާދެމުންދަނީ ނޭވާލާން އުނދަގޫވެ ހުންއައުމުންނެވެ. އޭނާގެ ދަރިކަލުން ރާހުލް ގާނދީއާއި ދަރިކަނބަލުން ޕްރިޔަންކާ ގާނދީވެސް ހުންނެވީ އޭނާ އެޑުމިޓުކުރެވިފައިވާ ސިރް ގަންގާ ރާމް ހޮސްޕިޓަލުގައެވެ،
އާލާސްކަންފުޅުގެ ސަބަބުން ދަޢުލަތުގެ ބަޖެޓު ހުށަހެޅުމަށް އިންޑިއާގެ ޤާނޫނުހަދާ މަޖިލިހުގައި މިއަދު ބޭއްވި ޖަލްސާއަށްވެސް ސޯނިއާއަށް ހާޒިރުވެވަޑައިނުގެންނެވުނެވެ. އޭނާއަކީ އިންޑިއާގެ ކުރީގެ ބޮޑުވަޒީރު ރަޖީވް ގާނދީގެ ހުވަފަތް އަނބިކަނބަލުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ