ފުލުހުންގެ ވެހިކަލެއް / ފައިލް ފޮޓޯ: ޕޮލިސް މީޑިއާ
މާފަންނު، ވިޔަފާރިވެރިންގެ މިސްކިތްކައިރިން، މަސްތުވާ ތަކެއްޗާ އެކު މީހަކު މިރޭ ހައްޔަރުކޮށްފިއެވެ. އެއީ ޢުމުރުން 24 އަހަރުގެ ދިވެހި ފިރިހެނެއްކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ އެމީހާ ހައްޔަރުކުރީ މަސްތުވާތަކެތިކަމަށް ޝައްކުކުރެވޭ އެއްޗެއްހުރި ސެލޯފިން ކޮޅުތަކަކާއެކުކަމަށެވެ. މި މައްސަލަ ފުލުހުން ދަނީ ތަޙްޤިގުކުރަމުންނެވެ.
މަސްތުވާ ތަކެއްޗާއެކު މިސްކިތެއް ކައިރިން މީހަކު ހައްޔަރުކޮށްފައިވާއިރު ފަހަކަށް އައިސް މިސްކިތްތަކުގައި ނިދުމާއި އެއްޗެހި ދޮވުމުމާއި، މަސްތުވާތަކެތި ބޭނުންކުރުންފަދަ މިސްކިތުގެ ޙުރުމަތްކެނޑޭފަދަ ކަންކަން ބައެއް މީހުން ކުރާކަމުގެ މައްސަލަތަކެއް ވަނީ ފެންމަތިވެފައެވެ.
ފުލުހުން ވިދާލުވެފައިވަނީ މިސްކިތްތައް ބަލާ އެފަދަ މީހުން ފުލުހުންގެ ބެލުމުގެ ދަށަށްގެންދާކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ