މާފަންނުގެ ބައެއް ސަރަހައްދުތަކުން މިރޭ ފެނުގެ ޚިދުމަތް ކެނޑޭނެ ކަމަށް މާލޭ ވޯޓަރ އެންޑް ސްވަރޭޖް ކޮމްޕެނީ، އެމްޑަބްލިޔުއެސްސީން ހާމަކޮށްފިއެވެ.
އެމްޑަބްލިޔުއެސްސީން ކޮށްފައިވާ ޓުވިޓެއްގައިވާ ގޮތުން ފެނުގެ ޚިދުމަތް ކެނޑޭނީ މިރޭ 23:00 އިން ފަތިހު 05:00 އަށެވެ.
Due to a water network upgrading work in Male’, there will be a service interruption from 23:00Hrs (08th August 2021) to 05:00Hrs (09th August 2021), in the marked area.
— Male' Water and Sewerage Company Pvt. Ltd. (@MWSC_Official) August 8, 2021
We apologize for the inconvenience caused. pic.twitter.com/YsWPPvxHuW
އެމްޑަބްލިޔުއެސްސީން ވިދާޅުވީ، މިގަޑިތަކުގައި ފެނުގެ ޚިދުމަތް ކެނޑޭނީ ހަނދުވަރީ ހިނގުމާއި ޝާރިއު ވަރުދީ މަގާއި ދެމެދުން މުނިޔާ މަގުގައި ހިމެނޭ ހުރިހާ ގޭބިސީތަކަކުން ކަމަށެވެ.
މިސަރަހައްދުން ފެނުގެ ޚިދުމަތް ކަނޑާލަނީ މާލޭ ސިޓީ ކައުންސިލުން ކުރިއަށްގެންދާ "ސްޓްރީޓް ސްކޭޕިންގ ޕްރޮޖެކްޓް"ގެ ދަށުން މިހާރު މަސައްކަތް ކުރަމުންދާ މުނިޔާ މަގުގައި ކުރިން އަޅާފައިވާ ފެންހޮޅިއާއި މިހާރު އަލަށް އަޅާފައިވާ ފެންހޮޅި ގުޅާލުމުގެ މަސައްކަތް ކުރުމަށްޓަކާކަމަށް އެމްޑަބްލިޔުއެސްސީން ހާމަކޮށްފައިވެއެވެ.
ފެނުގެ ޚިދުމަތް މެދުކެނޑިފައިވާ ވަގުތުގައި ކަސްޓަމަރުންނަށް ދިމާވެދާނެ ދަތިތަކަށް އެ ކުންފުނިން ވަނީ މަޢާފަށް އެދިފައެވެ.