ގދ.ކާޑެއްދޫ ބަނދަރު ތަރައްޤީކުރުމުގެ މަޝްރޫޢުގެ ފުރަތަމަ ފިޔަވަހިގެ މަސައްކަތްކޮށް ނިންމާލައިފިއެވެ. ކާޑެއްދޫ ބަނދަރުގެ މަސަައްކަތް ކުރަމުން އަންނަ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީން އެ މަސައްކަތް ކޮށް ނިންމާލާފައިވަނީ މިދިޔަ ބުރާސްފަތި ދުވަހުގައެވެ.
ގދ. އަތޮޅަކީ އެކާވީސްހާސް ރައްޔިތުންގެ ބޮޑު އާބާދީއެއް އޮންނަ އަތޮޅެކެވެ. މި އާބާދީގެ ބޮޑު ބަޔެއް ވައިގެ މަގުން ގދ.އަތޮޅަށްދަތުރުކުރުމަށް ބޭނުންކުރާ މައިގަނޑު މަންޒިލަކީ ކާޑެއްދޫ އެއަރޕޯޓެވެ. ކާޑެއްދޫއަކީ ވަކިން އޮންނަ ރަށެއްކަމުން، ކައިރީގައިވާ ރަށްރަށުން އެއަރޕޯޓަށް އައުމަށާއި ދިޔުމަށް ބޭނުންކުރާ އެންމެ މުހިންމު އެއް ތަނަކީ ކާޑެއްދޫ ބަނދަރެވެ.
We have completed Gdh. Kaadehdhoo Harbor Reconstruction Project (phase 1) on 25th July 2022. The value of the project is MVR 9.52 million.#MTCCProjects #RayyithungeKunfuni pic.twitter.com/igssUtNq2X
— MTCC Plc (@MTCCPlc) August 1, 2022
ކާޑެއްދޫ މިހާރު ބޭނުން ކުރަމުންދާ ބަނދަރަކީ މީގެ 28 އަހަރު ކުރިން އެރަށުގެ އެއަރޕޯޓް ތަރައްގީ ކުރިއިރު ހަދާފައިވާ ބަނދަރެކެވެ. މި ބަނދަރުގެ ފާލަމުގެ ބޮޑުބައެއް މި އަހަރު ކުރީ ކޮޅު ވަނީ ވެއްޓިފައެވެ. އޭގެ ސަބަބުން އެ ބަނދަރު ބޭނުންކުރާ މީހުންނަށް ބޮޑެތި ދަތިތަކާވަނީ ކުރިމަތިލާންޖެހިފައެވެ. ކާޑެއްދޫގެ ބަނދަރަކީ ކޮންމެ ދުވަހަކުވެސް އެތައް ރައްޔިތުން ތަކެއް ޚިދުމަށް ހޯދަމުން އަންނަ ބަނދަރެކެވެ.
އެހެންކަމުން ރައްޔިތުންނަށް ލުއިފަސޭހަކޮށްދިނުމުގެ ގޮތުން މިދިޔަ މެއި މަހު ބަނދަރު ތަރައްޤީ ކުރުމުގެ މަސައްކަތް އެމްޓީސީސީން ވަނީ ފަށާފައެވެ. އަދި މިހާރު ބަނދަރުގެ ފުރަތަމަ ފިޔަވަހީގެ މަސައްކަތްތައް ވަނީ ނިންމާލާފައެވެ. މި މަޝްރޫޢުގެ ދަށުން މިހާރު ހުރި ހާބަރ ބޭސިން ފުންކުރުމާއި، އެއްގަމުތޮށި ލުމާއި، ހާބަރ ޕޭވްމަންޓް ހެދުމާއި، ބަނދަރު ބައްތި ހަރުކުރުމުގެ މަސައްކަތް ހިމެނެއެވެ.