މިނެސޯޓާ ޓިމްބާވުލްވްސް އަތުން ބޮސްޓަން ސެލްޓިކްސްއަށް މޮޅެއް

އެންބީއޭ ބާސްކެޓްބޯޅަ މުބާރާތުގައި މިނެސޯޓާ ޓިމްބާވުލްވްސްއާ ދެކޮޅަށް ކުޅުނު މެޗު ބޮސްޓަން ސެލްޓިކްސްއިން ކާމިޔާބުކޮށްފިއެވެ.

މިމެޗް ސެލްޓިކްސް ކާމިޔާބުކޮށްފައިވަނީ 121 ޕޮއިންޓް 109 ޕޮއިންޓުންނެވެ.

ދެޓީމްގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗްގައި ޖޭލެން ބްރައުން ވަނީ 36 ޕޮއިންޓް ހޯދާދީ 7 ރީބައުންޑް ނަގާދީ 3 އެސިސްޓް ދީފައެވެ. އަދި ވުލްވްސްގެ އެންތަނީ އެޑްވާރޑްސްވަނީ 30 ޕޮއިންޓް ހޮދާދީ 6 ރީބައުންޑް ނަގާދީ 4 އެސިސްޓް ކޮށްފައެވެ. މިމުބާރާތުގައި ބްރޫކްލިން ނެޓްސް އާއި މިލްވައުކީ ބަކްސް ބައްދަލުކުރިމެޗް 118 ޕޮއިންޓް 100 ޕޮއިންޓުން ކާމިޔާބުކުރީ ނެޓްސްއެވެ. މިމެޗްގައި ނެޓްސްގެ ކެވިން ޑުރާންޓްވަނީ 24 ޕޮއިންޓް ހޯދާދީ 5 ރީބައުންޑް ނަގާދީ 6 އެސިސްޓް ކޮށްފައެވެ. އަދި ބަކްސްގެ ޖިއާނިސް އެންޓެޓޮކޮއުމްޕޯވަނީ 26 ޕޮއިންޓް ހޮދާދީ 13 ރީބައުންޑް ނަގާދީ 7 އެސިސްޓް ކޮށްފައެވެ.

މީގެއިތުރުން ޑެންވަރ ނަގެޓްސް އާއި ޕޯޓްލަންޓްލަންޓް ޓްރެއިލްބްރޭޒަރސް ބައްދަލުކުރިމެޗް 120 ޕޮއިންޓް 107 ޕޮއިންޓުން ކާމިޔާބުކުރީ ނަގެޓްސްއެވެ. މިމެޗްގައި ނަގެޓްސްގެ ނިކޮލާ ޔޮކިޗްވަނީ 29 ޕޮއިންޓް ހޯދާދީ 8 ރީބައުންޑް ނަގާދީ 11 އެސިސްޓްކޮށްފައެވެ. އަދި ޓްރެއިލް ބްލޭޒަރސްގެ ޑާމިއަން ލިލާޑްވަނީ 34 ޕޮއިންޓް ހޯދާދީ 7 ރީބައުންޑް ނަގާދީ 8 އެސިސްޓް ކޮށްފައެވެ.