ޚަބަރު
ބުރިޖް ހައިވޭގައި އެކްސިޑެންޓެއް، އަނިޔާވި މީހާގެ ހާލު ސީރިއަސް
-
މި ހާދިސާ ހިނގާފައިވަނީ ފަތިހު
ހައިވޭގައި ދުއްވާ އުޅަދުތައް ފުލުހުން ޗެކްކުރުން / ފޮޓޯ: މުޙައްމަދު ވަޙީދު، ޕީ.އެސް.އެމް ނިއުސް
ސިނަމާލެ ބުރިޖުގެ ހައިވޭގެ އެއަރޕޯޓް ލައިޓް ކައިރިން ހިނގި އެކްސިޑެންޓެއްގައި އަނިޔާލިބުނު މީހަކަށް ފަރުވާދޭން ފަށައިފިއެވެ.
ފުލުހުން ވިދާޅުވީ، ބްރިޖް ލައިޓް ކައިރިން ފެންސްގައި ޖެހި އެކްސިޑެންޓެއް ހިނގާފައިވާކަމަށް ފަތިހު 5:25 ހާއިރު ރިޕޯޓް ކޮށްފައިވާކަމަށެވެ.
ފުލުހުން ވިދާޅުވީ މި ހާދިސާގައި ސައިކަލުގައި އިން 53 އަހަރުގެ ދިވެހި ފިރެހެން މީހާއަށް އަނިޔާވެގެން އައިޖީއެމްއެޗްގައި ފަރުވާދެމުންދާކަމަށެވެ. އަދި އެ މީހާގެ ހާލު ސީރިއަސްކަމަށް ހޮސްޕިޓަލުން މައުލޫމާތުދީފައިވާކަމަށް ފުލުހުން ވަނީ ބުނެފައެވެ.
މި ހާދިސާއާއި ގުޅިގެން ބަލަންޖެހޭ ކަންކަން ބަލަމުންދާކަމަށް ފުލުހުން ވަނީ ވިދާޅުވިއެވެ.